Gujarati News

Gujarati News

News of Monday, 7th September 2020

અમરેલીના યુવા આગેવાન ડાયનેમિક ગૃપના પ્રમુખ હરેશ બાવીશીનો જન્મદિવસ

અમરેલી, તા. ૭ : તાલુકાના નાના એવા વાંકિયા ગામના વતની તથા ડાયનેમિક ગૃપ ઓફ ડાયનેમિક પર્સનાલિટિઝ-અમરેલીના પ્રમુખ, કોર્પોરેટ ઇવેન્ટના માસ્ટર, ફાયર બ્રાન્ડ એનાઉન્સર, અંગ્રેજી વિષયના નિષ્ણાંત પ્રોફેસર, અમરેલી જિલ્લાના યુવાનોમાં નોખુ-અનોખું સ્થાન ધરાવતા હરેશ બાવીસીનો આજે જન્મદિવસ છે.

અમેરિકન ઇંગ્લીશમાં સ્નાતક તથા એન્ટાયર ઇંગ્લીશમાં અનુસ્નાતકની પદવી ધરાવતા હરેશ બાવીશી અમરેલી જિલ્લા ઉપરાંત ગુજરાતના અગ્રણી ઉદ્યોગપતિ, રાજનેતાઓ વિ. સાથે નિકટના સંબંધો ધરાવતા હોવાથી નાની-ઉંમરમાં પોતાની મહેનત, આવડત, ટેલેન્ટ તથા ફાયર બ્રાન્ડ વકતા તથા એનાઉન્સર તરીકેની છાપ ધરાવતા હોવાથી સમગ્ર જિલ્લાના, સૌરાષ્ટ્રના યુવાનોમાં એક આગવું સ્થાન ધરાવે છે. માટે મોટી સંખ્યામાં આગેવાનો, શુભેચ્છકો તથા યુવાઓ જન્મદિવસની શુભેચ્છા પાઠવે છે. અત્રે કહેવું જણાશે કે બિલકુલ સાદાઇથી અબાલ-વૃદ્ધ સૌ કોઇ સાથે હળી-મળી જનાર હરેશ બાવીશી સૌ કોઇના હૃદયમાં સ્થાન પામ્યા છે. ત્યારે તેના જન્મદિવસ પર સમગ્ર ગુજરાતભરમાંથી અભિનંદનની વર્ષા થઇ રહી છે.

(1:08 pm IST)