Gujarati News

રાજકોટ તા. ૧૧ : મહાનગરપાલિકાના પૂર્વ દંડક અને શહેરના વોર્ડ નં. ૮ ના કોર્પોરેટર તેમજ પ્રદેશ અનુ.જાતિ મોરચાના ઉપાધ્યક્ષ રાજુભાઇ અઘેરાનો આજે જન્મ દિવસ છે. માતા કંકુબેન અને પિતા સ્વ. વાલજીભાઇના આશિર્વાદથી જાહેર જીવનમાં પ્રગતિના સોપાનો સર કરતા રાજુભાઇ બાળપણથી જ રાષ્ટ્રવાદના રંગે રંગાયેલા છે. નાની વયે સંઘની તિલક પ્લોટની રાત્રી શાખાના શિક્ષકની જવાબદારી સંભાળતા. ભાજપમાં જોડાઇને શહેર ભાજપ મંત્રી તરીકે અને છેલ્લા ત્રણ ટર્મથી પ્રદેશ અનુસુચિત જાતિ મોરચાના ઉપપ્રમુખ તરીકે કાર્યરત છે. હાલ મહાનગરપાલિકાના દંડક તરીકે સેવા આપી રહ્યા છે. સમાજ સેક્ષા ક્ષેત્રે અગ્રેસર રહેતા રાજુભાઇ ગોલ્ડન કલબના પ્રમુખ તરીકે, મેઘવાળ માનવ કલ્યાણ ટ્રસ્ટના ફાઉન્ડર તરીકે, કે. વી. અઘેરા એજયુકેશન ટ્રસ્ટના ચેરમેન તરીકે અને આર.એમ.સી. કર્મચારી એકતા મંડળના ચેરમેન પણ રહી ચુકયા છે. સફળ જીવનના ૫૩ માં વર્ષમાં પ્રવેશ પ્રસંગે તેઓને ઠેરઠેરથી શુભેચ્છાઓ મળી રહી છે. તેમના મો.૯૯૨૪૭ ૯૯૯૯૦ છે.