Gujarati News

Gujarati News

News of Saturday, 9th January 2021

ખાટું ખાવા માટે લલચાયું પ્રેગ્નેન્ટ અનુષ્કા શર્માનું મનઃ લીધી પાણીપૂરીની મજા

અનુષ્કા શર્મા આ મહિને પહેલા સંતાનને જન્મ આપવાની છે

નવી દિલ્હી, તા.૯: અનુષ્કા શર્મા આ મહિને પહેલા સંતાનને જન્મ આપવાની છે. એકટ્રેસ ઈન્સ્ટાગ્રામ પર પોતાના રોજિંદા જીવન વિશે પોસ્ટ શેર કરતી રહે છે. હવે, અનુષ્કાએ ફ્રેન્ડ સાથે એક સુંદર તસવીર શેર કરી છે અને આ સાથે તેણે તેના માટે બર્થ ડે વિશ લખી છે. ફ્રેન્ડ સાથે શેર કરેલી તસવીરમાં અનુષ્કા પોલકા ડોટ ડ્રેસમાં પ્રિટિ લાગી રહી છે. આ સાથે તેણે લખ્યું છે કે, 'બ્રો, બ્રધર, બ્રાઝ. આ તારો બર્થ ડે છે અને આઈ લવ યુ'.

એકટ્રેસને હાલ છેલ્લો મહિનો જઈ રહ્યો છે અને તેથી તે પતિ સાથે નિયમિત ડોકટરના કિલનિકની પણ મુલાકાત લઈ રહી છે. આ વચ્ચે તે પોતાની પ્રેગ્નેન્સી ક્રેવિંગ્સ પણ સંતોષી રહી છે. પિઝા ખાધા બાદ અનુષ્કાએ શુક્રવારે પાણીપૂરીની મજા લીધી હતી. જેની તસવીર તેણે ઈન્સ્ટાગ્રામ સ્ટોરીમાં શેર કરી હતી. આ સાથે તેણે લખ્યું હતું કે, 'ગો બિગ એટ હોમ'. આ સિવાય તેણે નારિયેળ પાણી પણ પીધું હતું.

અનુષ્કા શર્મા અને વિરાટ કોહલીએ ઓગસ્ટ મહિનામાં તેઓ માતા-પિતા બનવાના હોવાના ગુડ ન્યૂઝ આપ્યા હતા. તેમણે અનુષ્કા બેબી બમ્પ ફ્લોન્ટ કરતી હોય તેવી તસવીર શેર કરી હતી. આ સાથે તેમણે લખ્યું હતું કે, 'અને પછી અમે ૩ થયા. જાન્યુઆરી ૨૦૨૧માં આવી રહ્યું છે'.

મેટરનિટી લીવ લેતા પહેલા અનુષ્કા શર્માએ સતત સાત જેટલી જાહેરાતનું શૂટિંગ કર્યું હતું. બાળકના જન્મ બાદ પણ તે કામ પર ચડી જવાની છે. આ અંગે તેણે બોમ્બે ટાઈમ્સને જણાવ્યું હતું. તેણે કહ્યું હતું કે, 'હું મારા બાળકને જન્મ આપું પછી શૂટિંગ પર પરત ફરીશ. સાથે જ ઘરે એક સિસ્ટમ બનાવીશ જેથી હું મારા બાળક, ઘર અને કામ વચ્ચે સંતુલન જાળવી શકું. હું જીવું ત્યાં સુધી કામ કરવા માગુ છું કારણકે એકિટંગ મને ખૂબ ખુશ કરે છે'.

વર્કફ્રંટની વાત કરીએ તો, અનુષ્કા છેલ્લે આનંદ એલ રાયની ઝીરોમાં જોવા મળી હતી. જેમાં તેની સાથે શાહરુખ ખાન અને કેટરીના કૈફ હતી. આ ફિલ્મ ડિસેમ્બર, ૨૦૧૮માં રિલીઝ થઈ હતી. એકટ્રેસે હજુ સુધી પોતાના નેકસ્ટ પ્રોજેકટની જાહેરાત કરી નથી.

(4:09 pm IST)