Gujarati News

Gujarati News

News of Thursday, 10th September 2020

બડે દિલવાલા પ્રભાસની ત્રણ ફિલ્મો કતારમાં

બાહુબલી અભિનેતા માત્ર ફિલ્મના પાત્ર પુરતો જ નહિ, દિલનો પણ બાહુબલી છે. તેણે પોતાના જીમ ટ્રેનરને એક કાર ગિફટમાં આપી છે. પંદર-સતર લાખવાળી કાર નહિ પણ પુરા ૭૩ લાખની કિંમતની રેન્જ રોવર કાર પ્રભાસે ભેટમાં આપી સાબિત કરી દીધું છે કે તેનું દિલ પણ અત્યંત વિશાળ છે. પ્રભાસ, તેના જીમ ટ્રેનર અને ગિફટમાં અપાયેલી કારની તસ્વીરો વાયરલ થઇ છે. જીમ ટ્રેનરનું નામ લક્ષમણ રેડ્ડી છે. રેડ્ડી સાથે પ્રભાસ તેમજ તેની પત્નિ અને બે દિકરીઓ પણ તસ્વીરમાં જોવા મળે છે. એક દિકરી કારના બોનેટ પર બેઠેલી છે. પ્રભાત હવે ઓમ રાઉતની ફિલ્મ આદિપુરૂષ કે જે રામાયણ પર આધારીત છે તેમાં રામના રોલમાં જોવા મળશે. આ ઉપરાંત તે દિપીકા પાદુકોણ સાથે એક સાયન્સ ફિકશન થ્રિલર ફિલ્મમાં જોવા મળવાનો છે. વૈજયંતિ પ્રોડકશન દ્વારા આ ફિલ્મ બની રહી છે. નાગ અશ્વિન તેના નિર્દેશક છે. તેમજ પૂજા હેગડે સાથે પણ પ્રભાસ રાધે શ્યામમાં કામ કરી રહ્યો છે. જેમાં તેની સાથે સચિન ખેડેકર, મુરલી શર્મા, ભાગ્યશ્રી, કૃણાલ રોય કપૂર, સાશા છેત્રી પણ છે.

(9:44 am IST)
  • અમદાવાદના પૂર્વ સાંસદ તથા બૉલીવુડ એક્ટર પરેશ રાવલની ' ઇન્ડિયન સ્કૂલ ઓફ ડ્રામા ' ના અધ્યક્ષ તરીકે નિમણુંક : 4 વર્ષ માટે જવાબદારી સંભાળશે : 2014 થી 2019 ની સાલ દરમિયાન અમદાવાદ ઇસ્ટના ભાજપના સાંસદ તરીકે ચૂંટાઈ આવ્યા હતા access_time 6:21 pm IST

  • અમદાવાદના પાલડી સર્વે વિસ્‍તારમાં આંબેડકર રિવર બ્રીજની બીજી બાજુ કેન્‍દ્ર સરકારના ઉડ્ડયન ખાતાને જમીન સોંપવામાં આવી છે : અમદાવાદ કોર્પોરશનની સ્‍ટેન્‍ડીંગ કમીટીએ સી પ્‍લેન સર્વિસ માટે સાબરમતી રીવરફ્રન્‍ટ ઉપર વોટર એરોડ્રામ બનાવવા ૪૦૪૭ ચોરસ મીટર જમીન ફાળવી આપી છે : આ વોટર એરોડ્રામનો પ્રારંભ ૩૧ ઓકટોબરે નરેન્‍દ્રભાઈના હસ્‍તે થાય તેવી સંભાવના છે : આ માટે કોન્‍ક્રીટ પ્‍લેટફોર્મ સાબરમતી રીવરફ્રન્‍ટ તરફ રવાના કરવામાં આવ્‍યુ છે : સ્‍પાઈસ જેટ વિમાની સેવા સાબરમતી રીવરફ્રન્‍ટથી સરદાર સરોવર વચ્‍ચે સી પ્‍લેનની સર્વિસ ઓપરેટ કરશે access_time 5:56 pm IST

  • ભારતમાં 6 મહિનાથી ફસાયેલા 354 કાશ્મીરી સ્ટુડન્ટ્સને પાકિસ્તાન જવાની મંજૂરી : વાઘા બોર્ડર ઉપરથી પાકિસ્તાન જવા રવાના : પાકિસ્તાન કબ્જાગ્રસ્ત કાશ્મીરમાં મેડિકલનો અભ્યાસ કરી રહ્યા હતા : આ સ્ટુડન્ટ્સની ડિગ્રી ઇન્ડિયન મેડિકલ કાઉન્સિલ દ્વારા અમાન્ય હોવાથી પાકિસ્તાન જઈ અભ્યાસ કરશે access_time 12:20 pm IST