Gujarati News

મુંબઈ,તા.૧૫ : દિવાળીના તહેવાર પર બોલિવૂડના સેલેબ્સ પણ ઉત્સાહમાં જોવા મળી રહ્યા છે. સોશિયલ મીડિયા પર સેલેબ્સ જુદી-જુદી રીતે દિવાળીની ઉજવણી કરતા જોવા મળી રહ્યા છે. ત્યારે બોલિવૂડ એક્ટર રિતેશ દેશમુખે પણ સોશિયલ મીડિયા પર એક વિડીયો શેર કર્યો છે. આ વિડીયોમાં રિતેશ દેશમુખ તેના બંને બાળકોની સાથે એકજેવા ડ્રેસમાં જોવા મળી રહ્યો છે. રિતેશ દેશમુખ અને તેના બંને બાળકો એમ આ ત્રણેયે એક જેવા જ કપડા પહેર્યા હોય તેવું જોવા મળી રહ્યું છે. આ કપડાની ખાસ વાત એ છે કે તે રિતેશ દેશમુખની માતાની જૂની સાડીમાંથી બનાવવામાં આવ્યા છે. આ અંગેની જાણકારી રિતેશ દેશમુખે પોતે આ વિડીયોમાં આપી છે. એક્ટર રિતેશ દેશમુખે દિવાળીના તહેવાર નિમિત્તે આ વિડીયોને પોતાના ઓફિશિયલ ઈન્સ્ટાગ્રામ અકાઉન્ટ પરથી શેર કર્યો છે. આ વિડીયોમાં જોઈ શકાય છે કે રિતેશ દેશમુખના માતા તેમની સાડીને હવામાં લહેરાવે છે. બાદમાં તે રંગના કપડામાં રિતેશ દેશમુખ અને તેના બંને બાળકો જોવા મળી રહ્યા છે. આ વિડીયોને શેર કરતા એક્ટર રિતેશ દેશમુખે લખ્યું કે માતાની જૂની સાડી, બાળકો માટેના દિવાળીના નવા કપડા. હેપ્પી દિવાળી. આ વિડીયોને સોશિયલ મીડિયા પર ઘણાં વ્યૂઝ મળી રહ્યા છે.