Gujarati News

Gujarati News

News of Wednesday, 16th September 2020

જયા બચ્‍ચનના વીડિયો બાદ પુત્રી શ્વેતા બચ્‍ચનનો વીડિયો વાયરલઃ આંખો કંઇક અલગ લાગે છે... લડખડાતી ચાલથી ચાલે છે

મુંબઈ: દિગ્ગજ અભિનેત્રી અને સપા સાંસદ જયા બચ્ચન જ્યારે પણ બોલે છે ત્યારે કડક શબ્દોમાં બોલે છે. રાજ્યસભામાં મંગળવારે ભાજપના નેતા અને અભિનેતા રવિ કિશન અને કંગના રનૌતનું નામ લીધા વગર તેમને બોલિવુડમાં ડ્રગ્સ મુદ્દે આડે હાથ લીધા. એટલું જ નહીં જયા બચ્ચને કહ્યું કે ફિલ્મ ઈન્ડસ્ટ્રીને એવા લોકોથી બચાવવાની જરૂર છે જેઓ જે થાળીમાં ખાય છે તેમાં જ છેદ કરે છે. જ્યા બચ્ચને કંગના અને રવિ કિશનનું નામ ન લીધુ પરંતુ કહ્યું કે કેટલાક લોકો ફિલ્મ ઈન્ડસ્ટ્રીમાં નામ કમાય છે અને તેને ગટર કહે છે. જયા બચ્ચનના આ નિવેદનથી આખો દિવસ રાજકારણ ગમરાયેલું રહ્યું. બોલિવુડમાં પણ બે ફાડચા પડી ગયા. કેટલાક લોકોએ જયા બચ્ચનને સપોર્ટ કર્યો તો કેટલાક લોકોએ દિગ્ગજ અભિનેત્રી અને પતિ અમિતાભ બચ્ચનના મૌન પર સવાલ ઉઠાવ્યાં.

આ બધા વચ્ચે જયા-અમિતાભની લાડકી પુત્રી શ્વેતા બચ્ચનનો એક વીડિયો સોશિયલ મીડિયામાં ખુબ વાયરલ થઈ રહ્યો છે. જેમાં શ્વેતા બચ્ચન તેની કેટલીક બહેનપણીઓ સાથે બહાર આવતી જોવા મળે છે. આ વીડિયોમાં શ્વેતા બચ્ચનની આંખો કંઈક અલગ લાગી રહી છે અને તે લડખડાતી ચાલતી હોય  તેવું લાગે છે. વીડિયોમાં શ્વેતા બચ્ચન સાથે ફરહાન અખ્તરની બહેન અને ફિલ્મ નિર્દેશક ઝોયા અખ્તર પણ છે. વાયરલ થયેલા આ વીડિયોને જોઈને લોકો જાત જાતની વાતો કરે છે અને શ્વેતા બચ્ચનના લુક પર સવાલ ઉઠાવી રહ્યાં છે.

જો કે આ વીડિયો સ્લો મોશનમાં છે તો આ વીડિયોની વિશ્વસનિયતા પર શંકા જરૂર પેદા થાય છે.

મહાનાયકના મૌન પર ઉઠ્યા સવાલ

અત્રે જણાવવાનું કે આ સમગ્ર મામલે જે વાત સૌથી વધુ સુશાંત સિંહ રાજપૂતના ફેન્સને ખટકી રહી છે તે છે સદીના મહાનાયક અમિતાભ બચ્ચનનું મૌન. અમિતાભના મૌનને લઈને ફેન્સ સવાલ ઉઠાવવા લાગ્યા છે. અમિતાભ  આમ તો સોશિયલ મીડિયા પર ખુબ એક્ટિવ રહે છે. તેઓ સતત ફેન્સના સંપર્કમાં રહે છે. જો કે એ પણ સત્ય છે કે અમિતાભ હંમેશા વિવાદથી અંતર જાળવે છે અને કોઈ પણ વિવાદ પર કમેન્ટ કરતા બચે છે.

(4:22 pm IST)
  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • નેપાળના પ્રાઈમ મિનિસ્ટર કે.પી.શર્મા ઓલીએ શ્રી નરેન્દ્ર મોદીને જન્મદિવસની શુભેચ્છા પાઠવી : બંને દેશ સાથે મળીને કામ કરશું તથા સબંધો વધુ મજબૂત કરીશું તેવી ભાવના વ્યક્ત કરી access_time 1:11 pm IST

  • ધારાશાસ્ત્રીએ દસ લાખના : વળતરની માગણી કરી : મોટર એકલા ચલાવતી વેળાએ માસ્ક નહિ પહેરવા સબબ એક ધારાશાસ્ત્રીને પાંચસો રૂપિયાનો દંડ ફટકારવામાં આવતા તેમણે દિલ્હી હાઇકોર્ટમાં પડકાર ફેંકી દસ લાખ રૂપિયાના વળતરની માગણી કરી છે. access_time 7:32 pm IST