Gujarati News

Gujarati News

News of Thursday, 17th September 2020

૯ નવેમ્બરે ફુટશે 'લક્ષ્મી બોમ્બ'

અક્ષયકુમારે કરી જાહેરાત

મુંબઇ,તા.૧૭:હાલ બોલિવૂડમાં તમામ મોટા સ્ટાર્સ પોત પોતાની ફિલ્મોની તૈયારીમાં જોડાઇ ગયા છે. કોઇ નવી ફિલ્મો સાઇન કર્યું છે તો કોઇ વિદેશમાં પોતાના ફિલ્મોની શૂટિંગમાં વ્યસ્ત છે. આ વચ્ચે બોલિવૂડના ખેલાડી અક્ષય કુમાર તેની મચ અવેટેડ ફિલ્મને લઇને મોટી જાહેરાત કરી છે. તમને જણાવી દઇએ કે ૨૦૨૦ની દિવાળી પર આ ફિલ્મની ધમાકેદાર રીલિઝ થશે.

આ વાતની જાણકારી અક્ષય કુમારે પોતાના ઇન્સ્ટાગ્રામ એકાઉન્ટ દ્વારા આપી છે. તેમણે પોસ્ટમાં લખ્યું હતું કે આ વખતે તમારા ઘરે લક્ષ્મી આવવાની સાથે એક મોટો ધમાકો પણ આવશે. ૯ નવેમ્બરે લક્ષ્મીબોમ્બ આવશે. ઉલ્લેખનીય છે કે આ ફિલ્મમાં પહેલીવાર અક્ષય કુમાર એક મહિલા અને એક પુરૂષ એમ બંને અલગ અલગ રોલમાં નજરે પડશે.

કોરોના લોકડાઉન પછી લાંબા સમયથી આ ફિલ્મની રીલિઝ વિષે ચર્ચા ચાલી રહી હતી. તેનું ટીઝર પર અક્ષય કુમારે આ સાથે પોસ્ટ કર્યું છે. જે જોતા આ ફિલ્મ દમદાર હશે તેવું લાગી રહ્યું છે.

આ મામલે પહેલા પણ ડિઝની હોટસ્ટાર પર તેમણે એક ઇન્ટરવ્યૂમાં જણાવ્યું હતું કે આ ફિલ્મ તેમનું લોંગ ટાઇમ ડ્રીમ પ્રોજેકટ છે. જો કે બીજી તરફ અક્ષય કુમારના ફેન્સ પણ લાંબા સમયથી આ ફિલ્મની રાહ જોઇ રહ્યા છે. ત્યારે આ ફિલ્મની રીલિઝ ડેટ જાણીને ફેન્સમાં આ ફિલ્મ માટે ઉત્સાહ વધ્યો છે.

આ ફિલ્મ પહેલા માર્ચમાં રીલિઝ થવાની વાત ચાલતી હતી પણ કોરોના કાળમાં થિયેટર બંધ થઇ જતા આ ફિલ્મની રીલિઝ ડેટ પાછી ટાળવામાં આવી હતી.

(11:27 am IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • ઉમરપાડામાં ખતરનાક વરસાદ : બે કલાકમાં અનરાધાર ૧૧ ઇંચ : વલસાડ: ઉમરપાડામાં બે કલાકમાં ૧૧ ઈંચ વરસાદ ખાબક્યો access_time 7:29 pm IST