Gujarati News

Gujarati News

News of Monday, 19th October 2020

શ્રેયાને ગુજરાતી બોલતા ન જ આવડ્યું

ઓટીટી પ્લેટફોર્મ સોની લિવ પર તાજેતરમાં સ્ટ્રીમ થયેલી સિરીઝ સ્કેમ-૧૯૯૨માં હર્ષદ મહેતાનું આ સ્કેમ ખુલ્લુ પાડનાર ટાઇમ્સ ઓફ ઇન્ડિયા અખબારની પત્રકાર સુચેતા દલાલનું પાત્ર અભિનેત્રી શ્રેયા ધન્વંતરીએ ભજવ્યું છે. શ્રેયા છેલ્લે ધ ફેમિલી મેન સિરીઝમાં દેખાઇ હતી. સુચેતા દલાલ અને દેબાશિષ બાસુના પુસ્તક ધ સ્કેમ પરથી સ્કેમ-૧૯૯૨ની કહાની આધારીત છે. આ સિરીઝમાં નિર્દેશક હંસલ મહેતાએ મોટે ભાગે ગુજરાતી હોય તેવા કલાકારોને વધુ તક આપી છે. સિરીઝમાં હર્ષદ મહેતા પણ ગુજરાતી છે. હંસલ મહેતા પોતે તેમજ સહનિર્દશક જય મહેતા પણ ગુજરાતી છે. એટલુ જ નહિ સિનેમેટોગ્રાફર પ્રથમ મહેતા પણ ગુજરાતી છે. શ્રેયા કહે છે મને આ ગુજરાતી લોકોએ ગુજરાતી ભાષા શીખવવા અને બોલવા ઘણો ઘણો પ્રયાસ કર્યો પણ મને આવડ્યું જ નહિ. ગુજરાતી ખાણુ ખુબ ખાધું પણ ગુજરાતી બોલી ન શકી. સિરીઝમાં એક સીનમાં સુચેતા દલાલને એસબીઆઇનો કર્મચારી સ્કેમ વિશે વાત કરે છે. આ સીન જ શ્રેયા માટે ઓડિશનનો હતો. હંસલે આપેલા સાત પાના તેણે યાદ રાખી એ પ્રમાણે રજૂઆત કરી હતી અને તેની આ પાત્ર માટે પસંદગી થઇ હતી.

 

(9:39 am IST)
  • સાંજ સુધીમાં વધુ એક સીસ્ટમ્સ બનશેઃ ૨૨મી સુધી ઓરિસ્સાના ઘણા વિસ્તારમાં ધોધમાર વરસાદ પડશેઃ બંગાળની ખાડી ઉપર આજે સાંજ સુધીમાં 'લો પ્રેસર એરિયા' સર્જાવાની સંભાવના છે, જેના પરિણામે ઓડિશાના ઘણા ભાગોમાં ૨૨ ઓકટોબર સુધી ભારે વરસાદ પડી શકે છે. હવામાન વિભાગના નિયામક એચ. આર. વિશ્વાસે જણાવ્યું હતું કે, ૨૨ ઓકટોબર સુધી મુખ્યત્વે ઓડિશાના દક્ષિણ અને દરિયાકાંઠાના વિસ્તારોમાં ભારેથી અતિ ભારે વરસાદની સંભાવના છે. તેમણે જણાવ્યું હતું કે આ સમયગાળા દરમિયાન રાજયના કેટલાક ભાગોમાં હળવા પુરની, પાણી ભરવાની શકયતા છે access_time 12:34 pm IST

  • ચેન્નાઈની ચિંતા વધી : બ્રાવો હજુ બે સપ્તાહ નહિં રમે : ચેન્નાઈના ઓલરાઉન્ડર ડી. બ્રાવો વધુ બે સપ્તાહ નહિં રમી શકે તેની ઈન્જરી વકરી છે. દિલ્હી સામેના મેચમાં બોલીંગ પણ કરી ન હતી. access_time 2:37 pm IST

  • જમ્મુ કાશ્મીર ક્રિકેટ એશોશિએશનમાં 43 કરોડ રૂપિયાનો ગોટાળો : પૂર્વ મુખ્યમંત્રી ફારૂક અબ્દુલ્લા ઉપર કથિત ગોટાળાનો આરોપ : ઈ .ડી.ની ઈન્કવાયરી શરૂ : બીસીસીઆઈ દ્વારા ક્રિકેટને પ્રોત્સાહન આપવા ફાળવાયેલી રકમમાં ઘાલમેલ access_time 1:26 pm IST