Gujarati News

અભિનેતા મોહમ્મદ અઝીમ ફરી એકવાર તેના ચાહકો માટે ટીવી પરદે આવ્યો છે. આજે સોમવારથી સ્ટાર પ્લસ પર સાથ નિભાના સાથીયાની બીજી સિઝનનો પ્રારંભ થઇ ગયો છે. લોકડાઉનમાં આ શોની પહેલી સિઝનનું રીટેલિકાસ્ટ કરવામાં આવી રહ્યું હતું. બીજી વખત દર્શાવવામાં આવી રહેલા એપિસોડ્સને પણ ચાહકો આતુરતાથી નિહાળતાં હતાં. ત્યારે જ નિર્માતાઓએ બીજી સિઝન લાવવાનું નક્કી કરી લીધું હતું. સાથ નિભાના સાથીયામાં દેવોલીના ભટ્ટાચાર્ય અને રૂપલ પટેલ ગોપી વહુ અને  કોકીલાબેનના રોલમાં જોવા મળશે. સાથે મોહમ્મદ અઝીમ અગાઉની જેમ જ ફરી વખત ડબલ રોલમાં જોવા મળશે. મોહમ્મદ કહે છે આગલી સિઝનમાં મેં અહમ અને જગ્ગી એમ બંને પાત્રો ભજવ્યા હતાં. આ વખતે પણ આ પાત્રો યથાવત છે. જો કે બંને પાત્રોમાં અનેક બદલાવ લાવવામાં આવ્યા છે. આ કારણે આ રોલ મારા માટે ખુબ પડકારજનક બન્યો છે.