Gujarati News

Gujarati News

News of Wednesday, 23rd September 2020

પહાડોનું સૌંદર્ય માણવાનો લ્હાવો મળશે રસિકાને

અભિનેત્રી રસિકા દુગ્ગલ વધુ એક વેબ સિરીઝમાં કામ કરી રહી છે. આઉટ ઓફ લવની બીજી સિઝનમાં પણ રસિકા ખાસ ભુમિકા નિભાવી રહી છે. પહેલી સિઝનમાં પુરબ કોહલી અને સોની રાઝદાનની મુખ્ય ભુમિકા હતી. આ શોને અનેક એવોર્ડ પણ મળ્યા હતાં. શોમાં મીરા કપૂરનો રોલ નિભાવનારી અભિનેત્રી રસિકા કહે છે કે હું આ શોમાં વધુ સમય સુધી દેખાવ એ અને લાંબા શુટીંગમાં ભાગ લઇ શકુ તે માટે ખુબ ઉત્સાહિત હતી. ડોકટર મીરા કપૂર અને તેની ઇમોશનલ જર્નીને ભજવવી એ દરેક કલાકારની ઇચ્છા હોય છે. દર્શકોને ભરપુર પ્રેમ મળવો અને એવોર્ડ પણ મળવા એ પણ અમારા માટે ખુબ મોટી વાત હોય છે. બીજી સીઝનમાં મીરા અલગ-અલગ પ્રકારના પડકારો સામે બાથ ભીડતી જોવા મળવાની છે. રસિકા કહે છે આ કામ કરવા માટે હું ખુબ જ આતુર છું. શોના શુટીંગ માટે મારે બે મહિના સુધી કુન્નુરમાં રોકાણ કરવું પડશે. અનેક મહિના સુધી ઘરમાં રહ્યા પછી હવે કુન્નુરના પહાડોનું સૌંદર્ય માણવાનો અદ્દભુત લ્હાવો મળવાનો છે.

(9:54 am IST)
  • ગુજરાત યુનિવર્સિટીમાં કોરોના વિસ્ફોટ : અનેક કર્મચારીઓને કોરોના વળગ્યોઃ યુનિવર્સિટી ટાવર સોમવાર સુધી બંધ :ગુજરાત યુનિવર્સિટીમાં કોરોનાનો બ્લાસ્ટઃ પરીક્ષા વિભાગ, એકેડેમિક વિભાગ, એસ્ટેટ વિભાગ, એકાઉન્ટ વિભાગના કર્મચારીઓ સમગ્ર યુનિવર્સિટી ટાવરમાં કામ કરતા અનેક જોબ ટ્રેઇનીને પણ કોરોના : યુનિવર્સિટી નો ટાવર સોમવાર સુધી બંધ access_time 4:03 pm IST

  • દેશમાં કોરોનાનો કહેર : રાત્રે 12 વાગ્યા સુધીમાં નવા 84,269 પોઝીટીવ કેસ નોંધાયા : કુલ કેસની સંખ્યા 57,27,750 થઇ: હાલમાં 9,68,690 એક્ટિવ કેસ : વધુ 82,686 દર્દીઓ સ્વસ્થ થતા કુલ 46,67,078 લોકોએ કોરોનાને મ્હાત આપી : વધુ 1113 લોકોના મોત સાથે મૃત્યુઆંક 91,163 થયો access_time 1:03 am IST

  • વડોદરામાં વાઘોડિયા રોડ પાસેના વૈકુંઠ એપાર્ટમેન્ટમાં લિફ્ટ રિપેર કરનારા મિકેનિકનું લિફ્ટ અચાનક શરૂ થતાં દબાઇ જતાં મૃત્યુ access_time 10:40 pm IST