Gujarati News

Gujarati News

News of Monday, 23rd November 2020

ગેંગસ્ટરની ધમાકેદાર ભુમિકામાં આયુષ

આયુષ શર્માએ નવી ફિલ્મનું શુટીંગ પુણેમાં શરૂ થયું હતું. મહેશ માંજરેકર નિર્દેશીત આ ફિલ્મનું નામ 'અંતિમ' રખાયું છે. બે દિવસ સુધી પુણેમાં એક ચેઝ સિનનું શુટીંગ કરવામાં આવ્યું હતું. એ પછીના શુટીંગનું શેડ્યુલ કરજતમાં ગોઠવાયુ હતું. લવયાત્રીમાં ચાર્મિંગ અવતારમાં જોવા મળેલો અને રાતોરાત જાણીતો બની ગયેલો આયુષ   આ વખતે ગેંગસ્ટરના રોલમાં જોવા મળશે. મહેશની આ ફિલ્મમાં તે હાર્ડ-કોર, રફ અને બિન્દાસ્ત ભુમિકામાં કામ કરી રહ્યો છે. રિયલ એકશન ખુદ આયુષે કરી છે. આંતરરાષ્ટ્રીય સ્તરના એકશન નિર્દેશક વિક્રમ ધૈયાએ આ દ્રશ્યોને કોરિયોગ્રાફ કર્યા છે. આયુષે કહ્યું હતું કે લવયાત્રીના ગુજરાતી સ્વીટ છોકરાના રોલ પછી અંતિમમાં ધમાકેદાર ગેંગસ્ટરનો રોલ મળતાં ખુબ બદલાવ કરવો પડ્યો છે. કહાની પણ જોરદાર છે. આયુષ અંતિમ માટે ખુબ આશાવાદી છે. સુપરસ્ટાર સલમાન ખાન પણ આ ફિલ્મ માટે મહેનત કરી રહ્યો છે. ચર્ચા છે કે મહેશ સાથેની ખાસ દોસ્તી અને જીજાજી આયુષને કારણે કદાચ સલમાન પણ અમુક દ્રશ્યો ભજવશે.

(10:01 am IST)
  • દિલ્હીની બે બજારો બંધ કરી દેવાઈ : પશ્ચિમ દિલ્હીના બે બજારો જનતા માર્કેટ અને પંજાબી બસ્તી બાઝારને ૩૦મી સુધી બંધ કરી દીધા છે : અહિં નિયમોનું ઉલ્લંઘન અને ભારે ભીડ સર્જાતી હતી : કોરોનાએ અહિં રાડ બોલાવી દીધી છે access_time 11:32 am IST

  • અમદાવાદ મ્‍યુનિસિપલ કોર્પોરેશનના હેરિટેજ પ્રોજેક્‍ટના ડેપ્‍યુટી જનરલ મેનેજર કે.વી.નાયરનું કોરોના ઇન્‍ફેક્‍શનને લીધે મૃત્‍યુ થયું access_time 5:12 pm IST

  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST