Gujarati News

Gujarati News

News of Tuesday, 24th November 2020

કુમાર સાનુએ પિતા તરીકેની જવાબદારી નિભાવી જ નથીઃ પુત્ર જાનની સટાસટી

બિગ બોસમાંથી બહાર થયેલા જાનએ કહ્યું-અમારો ત્રણ ભાઇઓનો ઉછેર માતા રીટા ભટ્ટાચાર્યએ એકલા હાથે કર્યો છેઃ પિતા કુમાર સાનુને કંઇ બોલવનો અધિકાર નથી

મુંબઇ તા. ૨૪: બિગ બોસ-૧૪ના ઘરમાં આ વખતે વિકેન્ડમાં એકતા કપૂર પહોંચી હતી. તેણે ઘરના લોકો પાસે મજેદાર ટાસ્ક કરાવ્યા હતાં. આ અઠવાડીયે કુમાર સાનુનો દિકરો જાન શાનુ ઘરમાંથી  બહાર નીકળી ગયો છે. તેની બિગ બોસની સફરનો અંત આવ્યો છે. રિયાલીટી શોમાં જાનને લઇને નેપોટિઝમનો મુદ્દો ચગ્યો હતો. એ પછી મરાઠી ભાષાનું તેણે અપમાન કર્યાનો આરોપ પણ લાગ્યો હતો. એ વખતે કુમાર સાનુએ વિડીયો મેસેજથી દિકરા જાનનો પક્ષ લીધો હતો.

પરંતુ જાને પોતાની અને પરિવારની દેખભાળ બાબતે પિતા કુમાર સાનુ સામે સવાલો ઉઠાવ્યા હતાં. શોમાંથી બહાર આવી જાને પિતા સામે નિશાન ચાંકયું છે. તેણે સીધા શબ્દોમાં કહ્યું હતું કે પિતા તરીકેની જવાબદારી કુમાર સાનુએ કદી ઉઠાવી નથી. આથી તેમને દેખભાળ વિશે બોલવાનો અધિકાર નથી. એક ઇન્ટરવ્યુમાં જાનએ કહ્યું હતું કે અમે ત્રણ ભાઇઓ છીએ, બધાનો ઉછેર માતા રીટા ભટ્ટાચાર્યએ જ કર્યો છે. પિતા અમારી જિંદગીનો હિસ્સો રહ્યા નથી. મને નથી ખબર કે તેણે મને શા માટે પ્રમોટ કર્યો હતો. જાને આગળ કહ્યું હતું કે પિતા કુમાર સાનુએ એક સમયે અમારી સાથે સંપર્ક રાખવાનો પણ ઇન્કાર કરી દીધો હતો.

જાનએ કહ્યું હતું કે કોઇ પિતા પોતાના પુત્ર વિશે કદી બોલે નહિ, સોશિયલ મિડીયા પર તો ખાસ નહિ. પરંતુ ગમે તેમ તો ય એ મારા પિતા છે, હું એમની વિરૂધ્ધ નહિ જાઉ.

(1:16 pm IST)
  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST

  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST