Gujarati News

Gujarati News

News of Friday, 25th September 2020

સત્યજીત શર્મા ક્રાઇમ-થ્રિલરમાં એડવોકેટના રોલમાં

વેબ સિરીઝમાં નવા-જુના દરેક અભિનેતા અભિનેત્રીઓને ભરપુર કામ મળતું રહે છે. અલ્ટ બાલાજી હમેંશા નવા-નવા કન્ટેન્ટ રજૂ કરવા માટે જાણીતું છે. હવે તેની આગામી સિરીઝ 'બિચ્છુ કા ખેલ' આવી રહી છે. ક્રાઇમ થ્રિલર જોનરની આ સિરીઝમાં દિવ્યેન્દુ શર્મા મુખ્ય રોલમાં છે. જે અગાઉ મિરઝાપુરમાં ખાસ ભુમિકા નિભાવી ચુકયો છે. શોની કહાની અખિલ (દિવ્યેન્દુ) પોતાના પિતાની હત્યાની સજાથી બચવા માટે કાયદા સાથે શું છેડછાડ કરે છે તેની છે. પણ તેના પ્લાનમાં અનેક એવા વણાંકો આવે છે કે તે પોતે ગુંચવાઇ જાય છે. બિચ્છુ કા ખેલમાં અંશુલ ચોૈહાણ, મુકુલ ચઢ્ઢા, ઝિશાન કાદરી અને બાલિકા વધૂમાં કામ કરી ચુકેલા સત્યજીત શર્મા પણ છે. ચમેલી, પા, કમિને, ઉરી જેવી ફિલ્મો અને કિતની મહોબ્બતે હૈ તથા એક દુજે કે વાસ્તે સીહતના ટીવી શો કરી ચુકેલા સત્યજીત બિચ્છુ કા ખેલમાં એડવોકેટનો રોલ નિભાવી રહ્યા છે. જે માફીયા અને ટોચના પોલીસ ઓફિસરો એમ બધા સાથે કોન્ટેકટ ધરાવે છે. સત્યજીત કહે છે આ શોની કહાની અદ્દભુત છે. સમગ્ર ટીમ સાથે કામ કરવા આતુર છું.

(10:30 am IST)
  • મ્યુ.કોર્પોરેશનના વધુ બે ઓધિકારીઓ કોરોનાની ઝપટે ચડયા : મ્યુ.કોર્પોરેશનનાં વધુ બે અધિકારીઓ સંક્રમિત થતા ફફડાટ : ઇન્ચાર્જ સિટી ઈજનેર કોટક તથા મેડિકલ ઓફીસર વિકાસનો રિપોર્ટ પોઝિટીવ આવ્યોઃ અત્યાર સુધીમાં ૨૦૦થી વધુ અધિકારી, કર્મચારીઓ કોરોના પોઝિટિવ આવ્યા હતા. access_time 3:36 pm IST

  • સેન્સેકસની ગજબની રમત : શેરબજારની માયાજાળ અદભુત છે. ગઇકાલે ૧૧૦૦ પોઇન્ટના કડાકા પછી આજે સવારે પ્રારંભમાં જ સેન્સેકસ લગભગ ૪૦૦ પોઇન્ટ (૩૯૫.૦૮) ઉચકાયો હતો અને નિફટી ૧૨૧ પોઇન્ટ ઉંચકાઇ હતી અને આ લખાય છે ત્યારે સવારે ૧૦.૨૭ કલાકે સેન્સેકસ ૨૬૨ પોઇન્ટ તથા નિફટી ૭૭.૯૦ પોઇન્ટ 'અપ' છે. access_time 11:29 am IST

  • જમ્મુ કાશ્મીરમાં લશ્કર-એ-તૈયબાના બે આતંકી ઠારઃ ઓપરેશન શરૂ : જમ્મુ-કાશ્મીરના અનંતનાગ ખાતે આંતકીઓ સાથેની અથડામણમાં લશ્કર-એ-તૈયબાના બે આતંકી ઠાર મરાયા છે. સુરક્ષાદળોનું ઓપરેશન ચાલુ છે. access_time 11:29 am IST