નોરા થઇ ખુશઃ વધ્યા ચાહકો
સુપર ડાન્સર અને અભિનેત્રી નોરા ફતેહીના ચાહકોની સંખ્યા દિનપ્રતિદિન વધી રહી છે. ઇંસ્ટાગ્રામ પર નોરાના સોળ મિલીયન ફોલોઅર્સ થઇ ગયા છે. નોરાએ તાજેતરમાં ઇંસ્ટા પર એક વિડીયો પોસ્ટ કરી પોતાની ખુશી વ્યકત કરી છે. પોતાની ખુબસુરતી, જબરદસ્ત ડાન્સ અને અભિનયથી બધાના દિલ જીતી ચુકેલી નોરા ભારતમાંજ નહિ બીજા દેશોમાં પણ જાણીતી છે. સોળ મિલીયન ફોલોઅર્સ થઇ જતાં તેની ખુશી વ્યકત કરવા તેણે મજેદાર વિડીયો મુકયો હતો. નોરાને ચાહકો બાહુબલી-ધ બિગીનીંગના ગીત મનોહરીથી માંડી સત્યમેવ જયતે, બાટલા હાઉસ, સ્ત્રી, સ્ટ્રીટ ડાન્સર-થ્રીડી સહિતની ફિલ્મોમાં કામ કરતાં જોઇ છે. હવે પછી તે અજય દેવગણ અને સોનાક્ષી સિન્હા સાથે ફિલ્મ ભુજ-ધ પ્રાઇડ ઓફ ઇન્ડિયામાં જોવા મળવાની છે. અજય દેવગણની મુખ્ય ભુમિકા વાળી આ ફિલ્મમાં નોરાને જાસૂસનો રોલ મળ્યો છે. ભુજની કહાની ભારત-પાકિસ્તાના ૧૯૭૧ના યુધ્ધ વખતની છે. ફિલ્મમાં નોરાના ભાગે અનેક એકશન સિન્સ પણ છે. આ માટે તેણે મિકસ્ડ માર્શલ આર્ટની તાલિમ પણ લીધી છે.