Gujarati News

Gujarati News

News of Friday, 2nd October 2020

બારડોલી ભાજપને મોટો ફટકો :તાલુકા પંચાયતના પૂર્વ પ્રમુખ રમણભાઈ હળપતિની કૉંગ્રેસમાં વાપસી

પૂર્વ સાંસદ તુષાર ચૌધરી અને સુરત જિલ્લા કોંગ્રેસ પ્રમુખ આનંદ ચૌધરીની ઉપસ્થિતિમાં વિધિવત કોંગ્રેસમાં જોડાયા

બારડોલી તાલુકા પંચાયતના માજી પ્રમુખ અને હાલ સામાજિક ન્યાય સમિતિના અધ્યક્ષ રમણભાઈ હળપતિ (કડોદ)એ ભાજપ સાથે છેડો ફાડી કોંગ્રેસનો હાથ પકડતા આગામી સ્થાનિક સ્વરાજની ચૂંટણી પહેલા જ ભાજપાને મોટો ફટકો પડયો છે.

મૂળ કોંગ્રેસી એવા રમણભાઈ હળપતિ છેલ્લા કેટલાક વર્ષોથી ભાજપ સાથે જોડાયને તાલુકા પંચાયતની કડોદ બેઠક પરથી ચૂંટણી જીતી 2015માં પહેલા અઢી વર્ષ માટે પ્રમુખ પદે રહ્યાં બાદ બીજા અઢી વર્ષ માટે સામાજિક ન્યાય સમિતિના અધ્યક્ષ તરીકે વરણી કરાઈ હતી તેઓ હાલ આ હોદ્દા પર છે. કડોદ વિસ્તારમાં તેમની સારી એવી શાખ રહેલી છે ત્યારે માજી સાંસદ અને માજી કેન્દ્રીય મંત્રી તુષાર ચૌધરી અને સુરત જિલ્લા કોંગ્રેસ પ્રમુખ આનંદ ચૌધરીની ઉપસ્થિતિમાં વિધિવત કોંગ્રેસમાં જોડાયા હતા. આગામી દિવસોમાં જિલ્લા અને તાલુકા પંચાયતની ચૂંટણી જાહેર થવાની છે. ત્યારે સામી ચૂંટણીએ જ ભાજપને કડોદ વિસ્તારમાં એક મોટો ફટકો પડયો છે. રમણભાઈ હળપતિના ફરીથી કોંગ્રેસમાં જોડાવાને કારણે સ્થાનીક સ્વરાજની ચૂંટણીમાં ભાજપને મોટું નુકસાન થવાની સંભાવના છે.

(12:19 am IST)
  • એમેઝોનના ૨૦ હજાર કર્મચારીઓને કોરોના વળગ્યો :એમેઝોનના ૨૦ હજાર કર્મચારીઓને કોરોના પોઝીટીવ આવ્યાનું એમેઝોને જાહેર કર્યુ છે access_time 11:24 am IST

  • હાથરસ ગેંગ રેપ : દિલ્હીના જંતર મંતર ઉપર વિરોધ પક્ષોનો જમેલો : સીપીએમ મહાસચિવ સીતારામ યેચુરી ,સીપીઆઇ નેતા ડી.રાજા ,આમ આદમી પાર્ટીના સૌરભ ભારદ્વાજ ,જીગ્નેશ મેવાણી ,ભીમ આર્મીના ચંદ્રશેખર આઝાદ ,તથા બૉલીવુડ અભિનેત્રી સ્વરા ભાસ્કર સહિતનાઓ મેદાનમાં : યુ.પી.સરકાર વિરુદ્ધ સૂત્રોચ્ચાર કર્યા access_time 7:00 pm IST

  • તમે માલિક નહીં પણ પ્રજાના સેવક છો : હિંદુઓ રાત્રે સ્ત્રીનો અગ્નિ સંસ્કાર નથી કરતા : પરિવારજનોને પીડિતાના અંતિમ દર્શન પણ ન કરવા દીધા : ઉત્તર પ્રદેશની ભાજપ સરકાર સામે કેજરીવાલના વાક્બાણ access_time 7:29 pm IST