Gujarati News

Gujarati News

News of Friday, 2nd October 2020

વડોદરાના માંજલપુર વિસ્તારમાં રહેતી યુવતી સાથે ફેસબુકથી મિત્રતા કેળવી શારીરિક સુખ મેળવ્યા બાદ તરછોડી દેનાર નરાધમ યુવક વિરુદ્ધ યુવતીએ ફરિયાદ નોંધાવી

વડોદરા: શહેરમાં ફેસબુકથી પરિચય થયા પછી યુવક-યુવતી વચ્ચે પ્રેમ સંબંધ બંધાયો હતો. અઢી વર્ષ સુધી લગ્ન કર્યા વિના બંન્ને પતિ-પત્નીની જેમ જ રહેતાં હતાં. ત્યારબાદ યુવક અને તેના પરિવારે લગ્નની ના પાડી દેતા યુવતીએ પોલીસ ફરિયાદ નોંધાવી છે.

માંજલપુર વિસ્તારમાં રહેતી ૩૪ વર્ષની યુવતીને લગ્ન પછી પતિ સાથે મતભેદ થતા બંન્ને છૂટા પડી ગયા હતાં અને યુવતી પિયરમાં રહેવા આવી ગઇ હતી. અને ત્યારબાદ ૭મે ૨૦૧૮ ના રોજ યુવતીએ છૂટાછેડા લઇ લીધા હતા.

પરંતુ યુવતી પિયરમાં રહેતી હતી તે દરમિયાન ફેસબુક પર સંજય નામના યુવક સાથે પરિચય થયો હતો અને ત્યારબાદ બંન્ને વચ્ચે પ્રેમસંબંધ બંધાયો હતો. અને બંન્નેના પરિવારજનો લગ્ન માટે તૈયાર થયા હતાં. પરંતુ સંજયને અગાઉની પત્ની સાથે છૂટાછેડા લેવાના બાકી હોય બંન્નેના લગ્ન થઇ શક્યા નહતા. પરંતુ યુવક-યુવતી બંન્નેના ઘરે જતા આવતા હતાં. યુવકના ઘરે કથા કે પૂજા રાખી હોય તો પણ બંન્ને પતિ-પત્ની તરીકે પૂજા કરવા બેસતા હતાં. સંજય સુરતમાં એકલો રહીને નોકરી કરતો હતો, તેને જમવા સહિતની તકલીફો પડતી હોવાથી યુવતી ત્યાં રહેવા ગઇ હતી. ત્યાં બંન્ને પતિ-પત્ની તરીકે જ રહેતા હતાં. એક વર્ષ સુધી સંજયે પ્રથમ પત્ની સાથે છૂટાછેડા નહી લેતા યુવતી રિસાઇને પિયરમાં આવી ગઇ હતી. સમાજના લોકોએ મધ્યસ્થી કરી અવારનવાર યુવકના પરિવારને સમજાવવાના કરેલા પ્રયાસો નિષ્ફળ થતા છેવટે યુવતીએ ઉપરોક્ત વિગતો દર્શાવતી ફરિયાદ માંજલપુર પોલીસ સ્ટેશનમાં કરી છે. જેના આધારે પોલીસે આણંદ જિલ્લાના અડાસગામે રહેતા યુવક સંજય પ્રવિણભાઇ સાધુ (૨) યુવકના પિતા- પ્રવિણભાઇ (૩) યુવકની માતા મંદાબેન  (૪) યુવકનો ભાઇ કોપન અને (૫) યુવકની ભાભી રચના સામે કાયદેસરની કાર્યવાહી હાથ ધરી છે.

(5:44 pm IST)
  • દેશમાં કોરોનાનો કહેર યથાવત :મૃત્યુઆંક 1 લાખને પાર પહોંચ્યો : રાત્રે 12 વાગ્યા સુધીમાં નવા 79,705 કેસ નોંધાયા :કુલ કેસની સંખ્યા 64,71,665 થઇ :હાલમાં 9,44,967 એક્ટિવ કેસ :વધુ 78,248 દર્દીઓ સ્વસ્થ થતા કુલ 54,24,901 રિકવર થયા :વધુ 1069 દર્દીઓના મોત સાથે મૃત્યુઆંક 1,00,873 થયો access_time 12:42 am IST

  • દેશમાં કોરોનાનો કહેર યથાવત : રાત્રે 12 વાગ્યા સુધીમાં નવા 81,693 કેસ નોંધાયા :કુલ કેસની સંખ્યા 63,91,860 થઇ :હાલમાં 9,42,585 એક્ટિવ કેસ :વધુ 78,646 દર્દીઓ સ્વસ્થ થતા કુલ 53,48,653 રિકવર થયા :વધુ 1096 દર્દીઓના મોત સાથે મૃત્યુઆંક 99,804 થયો access_time 1:03 am IST

  • હાથરસ કાંડ : ભાજપના વરિષ્ઠ નેતા ઉમાભારતીની યોગી આદિત્યનાથને અપીલ : નેતાઓ અને મીડિયાને પીડિતાના ઘેર જવા દયો : તમારી અને બીજેપીની છબી ખરાબ થઇ છે : હું કોરોના સંક્રમિત હોવાથી લાચાર છું : સાજી થયા પછી સૌપહેલાં પીડિતાના ઘેર જઈશ : આપણે હજુ થોડા દિવસ પહેલા જ અયોધ્યામાં રામ મંદિરનું ભૂમિ પૂજન કરી રામરાજ્ય લાવવાની વાતો કરી : બીજીબાજુ દલિત યુવતી ઉપર ગેંગ રેપ પછી પોલીસની કાર્યવાહી શંકાજનક : કેન્દ્રીય મંત્રી સાધ્વી નિરંજન જ્યોતિએ પણ યુ.પી.પોલીસની શંકાશીલ કાર્યવાહી વિરુદ્ધ સવાલ ઉઠાવ્યા access_time 8:11 pm IST