Gujarati News

Gujarati News

News of Friday, 2nd October 2020

ફી મામલે ધાનાણી ઉપવાસ કરે તે પહેલા જ અટકાયત

આખા ગુજરાતમાં કોંગ્રેસના ધારણા કાર્યક્રમ : કોંગ્રેસે બીજી ઓક્ટોબરના રોજ ખેડૂત બિલ અને રાજ્યની ખાનગી શાળામાં ફી માફીની માગણી સાથે ધરણા કર્યા

અમદાવાદ,તા.૨ : કૉંગ્રેસ નેતાઓએ આજે એટલે કે બીજી ઓક્ટોબરના રોજ ખેડૂત બિલ અને રાજ્યની ખાનગી શાળાઓમાં સંપૂર્ણ સત્ર ફી માફીની માંગણી સાથે ધરણા કર્યા હતા. વિવિધ શહેરમાં કૉંગ્રેસના નેતાઓ તરફથી ધરણા કાર્યક્રમ યોજવામાં આવ્યા હતા. ગુજરાત કૉંગ્રેસ અમિત ચાવડા અમદાવાદ અને વિધાનસભાના વિપક્ષ નેતા પરેશ ધાનાણીએ અમરેલી ખાતે ધરણા કર્યા હતા. આ દરમિયાન અમિત ચાવડા અને પરેશ ધાનાણી સહિત કૉંગ્રેસના નેતાઓની અટકાયત કરી લેવામાં આવી હતી. અમરેલી ખાતે પરેશ ધાનાણીની અટકાયત દરમિયાન ઝપાઝપી થઈ હતી. જેમાં પરેશ ધાનાણીનો શર્ટ ફાટી ગયો હતો. વિપક્ષ નેતા પરેશ ધાનાણીએ આજે અમરેલીના ગાંધી બાગ ખાતે ખેડૂતો અને ફી મામલે એક દિવસના પ્રતિક ઉપવાસ કરવાની જાહેરાત કરી હતી. જે અનુસંધાને તેઓ પ્રતિક ઉપવાસ પર બેઠા હતા ત્યારે જ પોલસે તેમની અટકાત કરી લીધી હતી. એક દિવસ પહેલા જ પરેશ ધનાણીએ ટ્વીટ કરીને પ્રતિક ઉપવાસ અંગે જાહેર કરી હતી. અટકાયત દરમિયાન પોલીસ અને ધાનાણી વચ્ચે ઝપાઝપીના દ્રશ્યો જોવા મળ્યા હતા.

               આ દરમિયાન ધાનાણી સતત પોલીસને એવું પૂછી રહ્યા હતા કે તમે કયા ગુના હેઠળ તેમની અટકાયત કરી રહ્યા છો? ઝપાઝપી દરમિયાન પરેશ ધાનાણીનો શર્ટ પણ ફાટી ગયો હતો. પોલીસે ટીંગાટોળી કરીને તેમને વાનમાં બેસાડી દીધા હતા. ધાનાણીએ પોલીસ સ્ટેશનમાં ધરણા શરૂ કર્યાં: ગાંધીબાગ ખાતેથી પરેશ ધાનાણીની અટકાયત પોલીસ સ્ટેશન લાવવામાં આવ્યા હતા. જોકે, અહીં તેમણે જામીન લેવાનો ઇક્નાર કરી દીધો હતો અને તેમણે પોલીસ સ્ટેશન ખાતે જ ધરણા શરૂ કરી દીધા હતા. ગાંધી બાગ ખાતે પોલીસ તેમની અટકાયત કરવા માટે પહોંચી ત્યારે પરેશ ધાનાણી પોલીસને જણાવ્યું હતું કે, હું અહીં એકલો જ ઉપવાસ પર બેઠો છું. તમે મારી કયા ગુના હેઠળ અટકાયત કરી રહ્યા છો તે જણાવવા વિનંતી. પોલીસે સ્ટેશન ખાતે પરેશ અહીં ધાનાણીએ જણાવ્યું હતું કે, રાજ્યના દોઢ કરોડ વિદ્યાર્થીઓ ભણતર નહીં તો વળતર નહીંનું આંદોલન આગળ ચલાવે તેવી માંગ સાથે ગાંધી જયંતિએ આંદોલનની શરૂઆત કરી હતી. સરકારે ખાનગી શાળા સંચાલકોના ખોળે બેસીને ગુજરાતના દોઢ કરોડ યુવાઓનું ભાવી અંધકારમાં ધકેલવાનું ષડયંત્ર ઘડ્યું છે. હવે અહિંસાના માર્ગે ફી માફીના આંદોલનને અમે આગળ ધપાવીશું. સરકારની સૂચનાને આધારે પોલીસે આ આંદોલનને દબાવી દેવાનો પ્રયાસ કર્યો છે.

(7:23 pm IST)
  • તમે માલિક નહીં પણ પ્રજાના સેવક છો : હિંદુઓ રાત્રે સ્ત્રીનો અગ્નિ સંસ્કાર નથી કરતા : પરિવારજનોને પીડિતાના અંતિમ દર્શન પણ ન કરવા દીધા : ઉત્તર પ્રદેશની ભાજપ સરકાર સામે કેજરીવાલના વાક્બાણ access_time 7:29 pm IST

  • હાથરસ કાંડ : ભાજપના વરિષ્ઠ નેતા ઉમાભારતીની યોગી આદિત્યનાથને અપીલ : નેતાઓ અને મીડિયાને પીડિતાના ઘેર જવા દયો : તમારી અને બીજેપીની છબી ખરાબ થઇ છે : હું કોરોના સંક્રમિત હોવાથી લાચાર છું : સાજી થયા પછી સૌપહેલાં પીડિતાના ઘેર જઈશ : આપણે હજુ થોડા દિવસ પહેલા જ અયોધ્યામાં રામ મંદિરનું ભૂમિ પૂજન કરી રામરાજ્ય લાવવાની વાતો કરી : બીજીબાજુ દલિત યુવતી ઉપર ગેંગ રેપ પછી પોલીસની કાર્યવાહી શંકાજનક : કેન્દ્રીય મંત્રી સાધ્વી નિરંજન જ્યોતિએ પણ યુ.પી.પોલીસની શંકાશીલ કાર્યવાહી વિરુદ્ધ સવાલ ઉઠાવ્યા access_time 8:11 pm IST

  • દેશમાં સૌથી વધુ કોરોનાથી અસરગ્રસ્ત ૫ રાજયો (રીકવરી, મૃત્યુ અને એકટીવ કેસ સાથે) :(૧) મહારાષ્ટ્ર - ૧૪,૦૦,૯૨૨ (૨) આંધ્ર - ૭,૦૦,૨૩૫ (૩) તામિલનાડુ - ૬,૧૧,૮૩૭ (૪) કર્ણાટક - ૬,૦૩,૨૯૦ (૫) ઉત્તરપ્રદેશ - ૪,૦૩,૧૦૧ access_time 11:24 am IST