Gujarati News

Gujarati News

સમાચાર ગુજરાતસમાચાર ગુજરાત
News of Friday, 4th December 2020

મોડાસામાં બીપીએલ લાભાર્થીઓના ઘરોમાં લગાવવાના મીટરને બરોબર સગેવગે કરવાનું કૌભાંડ ઝડપાયું

મોડાસા: રાજય સરકારની કલ્યાણકારી યોજનાઓને પોતાના અંગત હિતમાં વાળવા પાવરધા સરકારી બાબુઓ જયારે પોતાના ખીસ્સા ભરી રહે ત્યારે મસમોટું કૌભાંડ સર્જાય છે.આવું જ વ્યાપક પ્રમાણમાં ફેલાયેલું વીજ મીટર કૌભાંડ સમગ્ર જિલ્લામાં ચગદોળે ચડયું છે અને દલાલો ભૂગર્ભમાં ઉતરી જતાં આ પ્રકરણે વીજ વિભાગની મહેસાણા સર્કલ ઓફીસ થી તપાસનો ધમધમાટ વર્તાઈ રહયો છે.ગત બુધવારે નગરમાં વીજ વિભાગની ૧૦ ટીમો  દ્વારા સ્થળ તપાસ હાથ ધરાઈ હોવાનું  સૂત્રો જણાવી રહયા છે.પરંતુ મોડાસા વીજ કચેરીના અધિકારીઓની શંકાસ્પદ ચૂપકીદી રહસ્યને ઘેરૂ બનાવી રહી છે. મોડાસા સહિત આસપાસના ગરીબ બીપીએલ લાભાર્થીઓના ઘરોમાં વીજ પ્રકાશ રેલાવી પ્રકાશ ફેલાવવાનું આયોજન રાજય સરકારની વિવિધ યોજનાઓ દ્વારા હાથ ધરાયું છે.

ઝૂંપડપટ્ટીમાં રહેતા,બીપીએલ કે અનામત વર્ગ કેટેગરીના લાભાર્થીઓના જુના મીટર નહી બદલી તેમના નામે મંજૂર થયેલ વીજ મીટર રૂ.૬ હજારમાં વેચી મારવાના કૌભાંડ ના બે દલાલ ભૂગર્ભમાં ઉતરી ગયા છે.અને છેલ્લા અઠવાડીયામાં બે વાર મોડાસામાં ઉતારાયેલી તપાસ ટીમ ની કાર્યવાહી ને પગલે નગરમાં તરહ તરહની ચર્ચાઓ ચગદોળે ચડી છે.જો કે તપાસ ટીમોના ખાનગી વાહનોની દોડમદોટ અને કચેરીમાં તપાસનો ધમધમાટ છતાં સ્થાનિક અધિકારીઓની શંકાસ્પદ ચૂપકીદી આ મસમોટા કૌભાંડે ભીનું સંકેલાઈ રહયું હોવાની શંકાઓ જાણકારોમાં ઉઠી છે.ત્યારે વીજતંત્રના પ્રમાણિક અધિકારીઓ આ ચકચારી પ્રકરણે દુધનું દુધ અને પાણીનું પાણી સ્પષ્ટ કરે એ રાજયના હિતમાં જરૂરી બન્યું છે.
(4:50 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • શેરબજારમાં તેજીનું તોફાનઃ સેન્સેકસ સૌ પહેલીવાર ૪૫૦૦૦ ઉપરઃ શેરબજારમાં તેજીનુ તોફાનઃ રીઝર્વ બેન્કના ફેંસલાઓ બાદ નિફટી રેકોર્ડ સ્તરેઃ સેન્સેકસ પહેલીવાર ૪૫૦૦૦ ઉપરઃ ઈન્ટ્રા ડેમાં પહેલીવાર આ સપાટી દર્શાવીઃ છેલ્લે સેન્સેકસ ૩૦૨ પોઈન્ટ વધીને ૪૪૯૩૫, નિફટી ૧૩૨૨૫: તમામ સેકટર ગ્રીન ઝોનમાં: બેન્ક નિફટી ૩૦૦૦૦ નજીક access_time 10:47 am IST

  • દિલ્હીમાં સીબીઆઈના દરોડા:દિલ્હીમાં જય પોલીકેમ ઇન્ડિયા લિમિટેડ કંપની ઉપર સીબીઆઈએ મોટાપાયે દરોડા પાડ્યા છે. access_time 11:57 pm IST

  • મુંબઈગરાંઓ માટે 26 ઈલેક્ટ્રિક AC બસોનું મુખ્યમંત્રી ઉદ્ધવ ઠાકરે દ્વારા લોકાર્પણ.: ટાટા મોટર્સ દ્વારા આ ઈલેક્ટ્રિક બસો બનાવવામાં આવી છે. કેન્દ્ર સરકારની નીતિ અનુસાર મુંબઈને આવી કુલ 340 બસ મળવાની છે... access_time 8:35 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત