Gujarati News

Gujarati News

News of Thursday, 10th September 2020

નવરાત્રિ રાસોત્સવને શરતી મંજુરીની વિચારણા

પ્રાચીન -અર્વાચીન રાસના ચાહકો માટે નીતિન પટેલનો ખુશખબર સમાન સંકેત

અમદાવાદ ,તા.૧૦: ગુજરાતમાં નવરાત્રિ તહેવાર આવવાની હજી વાર હોય ત્યાં તો ગરબાના રસિયાઓ કેટલાંય દિવસ અગાઉ પ્રેકિટસ શરૂ કરી દેતા હોય છે. આ સિવાય કોઇ પાર્ટી પ્લોટ કે કલબના પાસ મળશે કે નહીં તેની ચિંતા કરતા હોય છે. એવામાં હાલમાં ચાલી રહેલી કોરોના મહામારીને કારણે ખેલૈયાઓમાં નવરાત્રિ થશે કે નહીં તેને લઇને અસમંજસની સ્થિતિ છે. ત્યારે તાજેતરમાં જ નવરાત્રિને લઇને નાયબ મુખ્યમંત્રી નીતિન પટેલે નિયંત્રણો સાથે નવરાત્રિ યોજવાનો સંકેત કર્યો છે.

'હાલમાં નવરાત્રિના આયોજન અંગે સરકાર વિચાર કરી રહી છે. શકય તેટલી છૂટ મળે તે અંગેની ચર્ચા વિચારણા ચાલી રહી છે. જો કે આ અંગેનો નિર્ણય યોગ્ય સમયે લેવાશે. પરંતુ એટલી હૈયા ધારણા રાખજો કે આ અંગે જે પણ નિર્ણય લેવાશે તે વિચારીને જ લેવાશે અને શકય તેટલી રાહત આપવા અંગે પણ ગુજરાત સરકાર વિચારી રહી છે. કોરોના મહામારીમાં માતાજીના નોરતાનું આયોજન કેવી રીતે કરવું તે તમામ વિગતો ઉપર ગાઇડલાઇન આધારિત સરકાર ડિટેઈલમાં અભ્યાસ કરીને નવરાત્રિ નજીક આવતા જ જાહેરાત કરશે.'

નીતિન પટેલના નિવેદનથી એવું લાગી રહ્યું છે કે કદાચ કોરોના મહામારીમાં પણ રાજય સરકાર કોરોનાની ગાઇડલાઇન મુજબ કેટલીક છૂટછાટ સાથે નવરાત્રિના આયોજન માટેની પરવાનગી આપી શકે છે. આ ઉપરાંત પણ તેમને વધુમાં જણાવ્યું હતું કે, 'ગુજરાતની નવરાત્રિ દેશ-દુનિયામાં જાણીતી છે. રાજયમાં ખેલૈયાઓ પણ નવરાત્રિ માટે કાગડોળે રાહ જોતા હોય છે. કોરોના વચ્ચે પણ લોકો નવરાત્રિ રમવા ઉત્સુક છે. ગુજરાતના ગરબા વિશ્વમાં આગવી ઓળખ ધરાવે છે. જો કે હાલ રાજયમાં કોરોનાનું સંક્રમણ અટકે તે પણ ખૂબ જરૂરી છે.' સરકાર દ્વારા અમદાવાદમાં યોજાતા રાજ્યકક્ષાના વાઇબ્રન્ટ મહોત્સવની કોઇ તૈયારી દેખાતી નથી.

(2:56 pm IST)
  • ભારતમાં 6 મહિનાથી ફસાયેલા 354 કાશ્મીરી સ્ટુડન્ટ્સને પાકિસ્તાન જવાની મંજૂરી : વાઘા બોર્ડર ઉપરથી પાકિસ્તાન જવા રવાના : પાકિસ્તાન કબ્જાગ્રસ્ત કાશ્મીરમાં મેડિકલનો અભ્યાસ કરી રહ્યા હતા : આ સ્ટુડન્ટ્સની ડિગ્રી ઇન્ડિયન મેડિકલ કાઉન્સિલ દ્વારા અમાન્ય હોવાથી પાકિસ્તાન જઈ અભ્યાસ કરશે access_time 12:20 pm IST

  • દેશમાં કોરોનાનો વિસ્ફોટ :છેલ્લા 24 કલાકમાં રેકોર્ડબ્રેક 95,529 નવા પોઝીટીવ કેસ નોંધાયા : વધુ 1168 લોકોના મોત : રાત્રે 12 વાગ્યા સુધીમાં નવા 95,529 કેસ વધ્યા: કુલ કેસની સંખ્યા 44.62.965 થઇ : 9,18,185 એક્ટીવ કેસ :વધુ 73,057 દર્દીઓ સાજા થતા કુલ 34,69,084 રિકવર થયા : વધુ 1168 લોકોના મોત સાથે મૃત્યુઆંક 75,091 થયો access_time 12:45 am IST

  • સીટીઝન એમેન્ડમેન્ટ એક્ટ ( CAA ) વિરુધ્ધ દેખાવો દરમિયાન મેંગ્લોરમાં હિંસા આચરવાના આરોપી 21 લોકોને મુક્ત કરી દેવાનો સુપ્રીમ કોર્ટનો આદેશ : આ લોકો તોફાનોમાં શામેલ હોવાનું પુરવાર થતું નથી access_time 8:09 pm IST