Gujarati News

Gujarati News

News of Thursday, 10th September 2020

સુરતના ચોકબજાર વિસ્તારમાં 26 વર્ષીય પરિણીતાની બજારમાં છેડતી કરી પરેશાન કરનાર રોમિયોને લોકોએ પોલીસે હવાલે કર્યો

સુરત: શહેરના ચોકબજાર વિસ્તારમાં રહેતી 26 વર્ષીય પરિણીતા ગત સવારે રાણીતળાવ ખાતે પતિ સાથે કરિયાણાની દુકાને ગઈ હતી ત્યારે લબરમુછીયાએ આવી હાથ પકડી મોબાઈલ ફોનમાં પોર્ન વિડીયો ચાલુ કરી દીધો હતો. છેલ્લા સાત માસથી પીછો કરી રહેલા 20 વર્ષીય લબરમુછીયાની કરતૂતને પગલે પરિણીતાએ બુમાબુમ કરતા દોડી આવેલા તેના પતિ અને અન્યોએ લબરમુછીયાને પકડી લાલગેટ પોલીસને હવાલે કર્યો હતો.

પોલીસ સૂત્રો દ્વારા પ્રાપ્ત થતી વિગતો મુજબ સુરતના ચોકબજાર સિંધીવાડ વિસ્તારમાં રહેતી 26 વર્ષીય સકીના ( નામ બદલ્યું છે ) ગત સવારે આઠ વાગ્યે પતિ સાથે રાણીતળાવ મેઈન રોડ સ્થિત અસલમ ટ્રેડર્સમાં કરીયાણાની ખરીદી માટે ગઈ હતી. તેનો પતિ દુકાનમાં ગયો હતો અને તે દુકાનની બહાર ઉભી હતી ત્યારે તેનો છેલ્લા સાત માસથી મોટરસાયકલ ઉપર પીછો કરતો તેમજ તેને પકડવા જાય ત્યારે ભાગી છૂટતો એક લબરમુછીયો ત્યાં આવ્યો હતો અને સકીનાના ડાબા હાથનું કાંડુ પકડી લીધું હતું. સકીનાએ હાથ છોડાવતા લબરમુછીયાએ મોબાઈલ ફોનમાં પોર્ન વિડીયો ચાલુ કરી સકીનાને બતાવ્યો હતો અને ધમકી આપી હતી કે ચાલ મારી સાથે, નહીં તો હું તને તેમજ તારા પતિને મારી નાખીશ. જો કોઈને કહેશે તો પણ મારી નાખીશ. જોકે, સકીનાએ બુમાબુમ કરતા દુકાનમાંથી તેનો પતિ અને અન્યો દોડી આવ્યા હતા અને લબરમુછીયાને ઝડપી પાડી 100 નંબર ઉપર ફોન કરતા ત્યાં આવેલી લાલગેટ પોલીસને સોંપ્યો હતો.

(5:31 pm IST)
  • અમદાવાદના પાલડી સર્વે વિસ્‍તારમાં આંબેડકર રિવર બ્રીજની બીજી બાજુ કેન્‍દ્ર સરકારના ઉડ્ડયન ખાતાને જમીન સોંપવામાં આવી છે : અમદાવાદ કોર્પોરશનની સ્‍ટેન્‍ડીંગ કમીટીએ સી પ્‍લેન સર્વિસ માટે સાબરમતી રીવરફ્રન્‍ટ ઉપર વોટર એરોડ્રામ બનાવવા ૪૦૪૭ ચોરસ મીટર જમીન ફાળવી આપી છે : આ વોટર એરોડ્રામનો પ્રારંભ ૩૧ ઓકટોબરે નરેન્‍દ્રભાઈના હસ્‍તે થાય તેવી સંભાવના છે : આ માટે કોન્‍ક્રીટ પ્‍લેટફોર્મ સાબરમતી રીવરફ્રન્‍ટ તરફ રવાના કરવામાં આવ્‍યુ છે : સ્‍પાઈસ જેટ વિમાની સેવા સાબરમતી રીવરફ્રન્‍ટથી સરદાર સરોવર વચ્‍ચે સી પ્‍લેનની સર્વિસ ઓપરેટ કરશે access_time 5:56 pm IST

  • રાજકોટઃ દેના બેંક જાગનાથ શાખામાં આજે પાંચ કર્મચારીઓને કોરોના થયાનું બહાર આવતા બેંક બે દિવસ માટે બંધ કરવા નિર્ણય access_time 12:44 pm IST

  • વડાપ્રધાન નરેન્‍દ્રભાઈ મોદીએ કહ્યુ છે કે કોરોનાને હળવાશ થી બિલકુલ લેતા નહિં, ફેઈસ માસ્‍ક પહેરી જ રાખો અને બે ગજનું સોશ્‍યલ ડિસ્‍ટન્‍સ અચૂક જાળવી રાખો access_time 5:53 pm IST