Gujarati News

રાજકોટઃ ગુજરાતમાં કોરોનાએ હાહાકાર મચાવ્યો છે, ત્યારે ભાજપ અને કોંગ્રેસના નેતાઓ પણ કોરોનાની ચપેટમાં આવી રહ્યા છે. હવે ભાજપના વધુ એક દિગ્ગજ નેતા કોરોનાની ઝપટે આવી ગયા છે. પ્રદેશ યુવા મોરચાના પ્રમુખ પ્રશાંત કોરાટ કોરોનાથી સંક્રમિત થયા છે.

પ્રશાંત કોરાટે જાતે સોશિયલ મીડિયા પર આ અંગે જાણકારી આપી છે. નોંધનીય છે કે, મોરવાહડફની ચૂંટણીમાં પ્રચારમાં પ્રદેશ યુવા ભાજપ પ્રમુખ પ્રશાંત કોરાટ ઉતર્યા હતા. તેમણે સોશિયલ મીડિયા પર માહિતી આપી છે કે, કોવીડના શરૂઆતના લક્ષણો જણાતા આજે મેં રેપિડ ટેસ્ટ કરાવ્યો, જે પોઝિટિવ આવતા હું આજે ડોક્ટરની સલાહ મુજબ હોમ ક્વોરેન્ટાઈન થઈ સારવાર શરૂ કરેલ છે. છેલ્લા પાંચ દિવસમાં મારા સંપર્કમાં આવેલા તમામ કાર્યકર્તાઓ પોતાનો કોવીડ ટેસ્ટ કરાવવા નમ્ર વિનંતી છે.