Gujarati News

Gujarati News

News of Wednesday, 16th September 2020

અમદાવાદમાં કોરોના વોરિયર્સ પોલીસ કર્મચારીઓના હિતમાં નવતર પ્રયોગઃ પોલીસ લાઇનમાં સેનેટાઇઝ અને ફોગીંગની કામગીરી

અમદાવાદ: કોરોના મહામારીમાં એક બાદ એક કોરોના કેસ વધતા પોલીસ લાઈનમાં સેનેટાઈઝિંગ અને ફોગિંગ કરવામાં આવ્યં છે. અમદાવાદમાં વધી રહેલા કેસોને પગલે પોલીસ લાઈનમાં સેનેટાઇઝિંગ  કરાવાયું છે. એડમીન JCP દ્વારા પોલીસ કર્મીઓ માટે આ મહત્વનો નિર્ણય લેવાયો છે. પોલીસકર્મીઓના પરિવારે કામગીરીને બિરદાવી છે.

રાજ્યભરમાં જે રીતે કોરોના કેસોની સંખ્યા દિનપ્રતિદિન વધી રહી છે, બીજી તરફ કોરોના વોરિયર્સ પોલીસકર્મીઓ સતત ફરજ દરમિયાન કોરોના સંક્રમણમાં પોઝિટિવ થઇ રહ્યા છે. જેને પગલે અમદાવાદ પોલીસે નવતર પ્રયોગ હાથ ધર્યો હતો. પોલીસ લાઈનમાં સેનેટાઈઝર અને ફોગીંગની કામગીરી શરૂ કરી છે. એડમીન જેસીપી અજય ચૌધરી અને હેડ ક્વાર્ટર પોલીસ સ્ટાફ દ્વારા આજે દાણીલીમડા પોલીસ લાઇનના 400 જેટલા મકાનોમાં સેનેટાઈઝિંગ કરવામાં આવ્યું હતું. સાથે જ ફોગિંગ પણ કરવામાં આવ્યું હતુ. મહત્વનું છે કે. પોલીસ અધિકારીઓની આ પ્રકારની કામગીરી પોલીસકર્મીના પરિવારમાં સાંત્વના જોવા મળી. પરંતુ છેલ્લા ઘણા સમયથી પોલીસ લાઈનમાં ઉદભવેલા પાયાના પ્રશ્નો અને ડ્રેનેજની કામગીરી અંગે પણ પોલીસ પરિવારે એડમિન જેસીબીને આ બાબતે રજૂઆત કરી હતી. જેને પગલે સત્વરે આ કામગીરી પૂર્ણ કરવા હૈયાધારણા આપી છે. બીજી તરફ આગામી સમયમાં અમદાવાદની તમામ 31 જેટલી પોલીસ લાઈન અને પોલીસ અધિકારીઓની ઓફિસમાં સેનેટાઇઝિંગની કામગીરી કરવામાં આવશે.

અમદાવાદ શહેરમાં એક તરફ કોરોનાનો કહેર યથાવત છે, તો બીજી તરફ મચ્છરજન્ય રોગચાળો પણ વકર્યો છે. સ્વચ્છતાની વાતો વચ્ચે અમદાવાદમાં ઠેર ઠેર પારાવાર ગંદકી જોવા મળી છે. ખુલ્લા પ્લોટ અમદાવાદમાં મચ્છર ઉત્પત્તિના કેન્દ્રો બન્યા છે. વરસાદી પાણી ભરાવાથી મોટા પ્રમાણમાં મચ્છરોનું બ્રિડિંગ થઈ રહ્યું છે. આ મામલે મેયરે તંત્રને કામગીરી કરવાના આદેશ પણ આપ્યા છે. જોક, મેયરની સૂચના બાદ પણ અમદાવાદમાં કોઈ નક્કર કામગીરી નહિ છે.

(4:29 pm IST)
  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST

  • ર૧ સપ્ટેમ્બરથી ધો.૯ થી ૧રના વિદ્યાર્થીઓ માટે શાળાઓ નહીં ખુલેઃ કેબીનેટની બેઠકમાં ‌નિર્ણય access_time 1:15 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST