Gujarati News

Gujarati News

News of Wednesday, 16th September 2020

મોડાસામાં દૂધ કેન્દ્ર પર બેઠેલા વેપારીના હાથમાંથી મોબાઈલ તફડાવી અજાણ્યો શખ્સ રફુચક્કર

મોડાસા:નગરમાં તફડંચીથી માંડી ચોરી ઘરફોડ ના ગુનાઓ વધતા જાય છે.કોરોનાના કહેર વચ્ચે પણ ગુનાખોરી ઓછી થતી નથી.નગરના એક દુધ કેન્દ્ર  ઉપર બેઠેલા વેપારીના હાથમાંથી મોંઘોદાટ મોબાઈલ અજાણ્યો શખ્શ તફડાવી ગયો હતો. જયારે નગરની રત્નમ રેસીડેન્સી પાછળની ખુલ્લી જગામાં સરકારી દવા ભરેલ થેલો કોઈ અજાણ્યા શખ્શો ફેકી જતાં રહસ્ય સર્જાયું હતું. સોમવારની સાંજે નગરના માર્ગો ઉપર ટાઉન પોલીસ દ્વારા ફલેગ માર્ચ યોજાઈ હતી.

મોડાસાની જીઈબી કચેરી નજીકના વિસ્તારમાં આવેલ એક દુધ વેચાણ સેન્ટર ઉપર વેપારી વસંતભાઈ ભાવસાર ગ્રાહકોને દૂધનું વિતરણ કરી રહયા હતા. ગ્રાહક ન હોઈ આ શખ્શ પોતાના મોબાઈલ ઉપર વાતચીત કરી રહયા હતા.ત્યારે બાઈક લઈ આવી ચડેલ બે શખ્શો પૈકીના એક શખ્શે વસંતભાઈ ના હાથમાંથી મોબાઈલ ઝૂંટવી લીધો હતો.અને જોત જોતામાં આ શખ્શો ભાગી છુટયા હતા.વસંતભાઈ ભાવસારે પોતાના મોંઘાદાટ રૂ.૧૭ હજારની કિંમતના મોબાઈલની ચીલઝડપ ની ફરીયાદ ટાઉન પોલીસ સ્ટેશને કરી હતી.ટાઉન પોલીસે જાણવા જોગ નોંધી જરૂરી કાર્યવાહી હાથ ધરી હતી.મોડાસા નગરમાં આવેલ રત્નમ રેસીડેન્સી પાછળની ખુલ્લી જગામાં ગત સોમવારે બાઈક ઉપર આવેલ બે યુવક એક થેલો ફેંકી નાસી ગયા હતા.આસપાસના લોકોએ તપાસ કરતા આ થેલામાંથી સરકારી દવા ભરેલી મળી આવી હતી.આ અંગે આરોગ્ય વિભાગને જાણ કરાઈ હોવાનું રહીશોએ જણાવ્યું હતું.

(5:06 pm IST)
  • ડ્રગ્સ રેકેટ મામલે સંસદમાં ચર્ચા બાદ આજે રાજ્યસભા જયા બચ્ચને કહ્યું કે, હું રવિ કિશનની વાત સાથે સહેમત, યુવાનોને ડ્રગ્સની લતથી બચાવવાની જરૂર: પરંતુ સમગ્ર બોલીવુડને દોષ આપવો ખોટો છે access_time 1:04 am IST

  • બિહારમાં 98 વર્ષની વયે એમએ કરનારા રાજકુમાર વૈશ્યનું નિધન : મુખ્યમંત્રી નીતીશકુમારે શોક વ્યક્ત કર્યો :98 વર્ષની વયે અર્થશાસ્ત્ર વિષયમાં એમએ ની પરીક્ષા આપી પાસ થનાર રાજકુમાર વૈશ્યનું 101 વર્ષની વયે નિધન :તેઓની નામ લિમ્કા બુક ઓફ વર્લ્ડ રોકોર્ડમાં પણ નોંધાયું છે access_time 8:57 am IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST