Gujarati News

Gujarati News

News of Wednesday, 16th September 2020

ખેડા તાલુકાના નવાગામના બુટલેગરને પોલીસે કારમાં દારૂના જથ્થા સાથે ઝડપી પાડ્યો

ખેડા તાલુકાના નવાગામનો બુટલેગર પ્રમોદભાઈ ઉર્ફે પ્રમુખ કાળાભાઈ ચુનારા સ્વીફ્ટ ગાડી નં. જીજે-૨૭, સી-૭૦૫૮માં દેશી દારૂનો જથ્થો ભરી બારેજા તરફ જતો હોવાની માહિતી ખેડા જિલ્લા એલસીબી પોલીસને મળી હતી. જેથી પોલીસની ટીમે ગતરોજ સાંજના સમયે નવાગામ નજીક વોચ ગોઠવી હતી. દરમિયાન ઉક્ત વર્ણનવાળી સ્વીફ્ટ ગાડી આવતાં પોલીસે તેને રોકી હતી. અને ગાડીમાંથી પ્રમોદભાઈ ઉર્ફે પ્રમુખ કાળાભાઈ ચુનારાની અટકાયત કરી હતી. ત્યારબાદ ગાડીની તલાશી લેતાં ચાર કારબામાં ભરેલો ૧૪૦ લિટર દેશી દારૂનો જથ્થો મળી આવ્યો હતો. પોલીસે કરેલી પૂછપરછ દરમિયાન આ દારૂનો જથ્થો દસક્રોઈ તાલુકાના બારેજામાં આવેલ મોટા ચુનારાવાસ વિસ્તારમાં રહેતાં મીરાબેન જયંતીભાઈ ચુનારાને આપવા જતો હોવાની પ્રમોદભાઈએ કબૂલાત કરી હતી.
પોલીસે દેશી દારૂ કિંમત રૂ.૨૮૦૦, અંગજડતીમાંથી મળી આવેલ રોકડા રૂ.૧૦૦૦ તેમજ સ્વીફ્ટ ગાડી મળી કુલ રૂ.૨,૦૩,૮૦૦નો મુદ્દામાલ કબજે લઈ પકડાયેલા પ્રમોદભાઈ ઉર્ફે પ્રમુખ કાળાભાઈ ચુનારા તેમજ દેશી દારૂનો જથ્થો મંગાવનાર મીરાબેન જયંતીભાઈ ચુનારા સામે પ્રોહિબિશનનો ગુનો નોંધી કાયદેસરની કાર્યવાહી હાથ ધરી છે.

(5:09 pm IST)
  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • બિહારમાં 98 વર્ષની વયે એમએ કરનારા રાજકુમાર વૈશ્યનું નિધન : મુખ્યમંત્રી નીતીશકુમારે શોક વ્યક્ત કર્યો :98 વર્ષની વયે અર્થશાસ્ત્ર વિષયમાં એમએ ની પરીક્ષા આપી પાસ થનાર રાજકુમાર વૈશ્યનું 101 વર્ષની વયે નિધન :તેઓની નામ લિમ્કા બુક ઓફ વર્લ્ડ રોકોર્ડમાં પણ નોંધાયું છે access_time 8:57 am IST