Gujarati News

Gujarati News

News of Sunday, 17th January 2021

પેટલાદ તાલુકાના રવીપુરા ચોકડી નજીક કાશીયાપુરા નજીક એક ટ્રેક્ટરની ટ્રોલીમાં સેન્ટ્રો કાર ઘુસી : એકનું ઘટના સ્થળે જ મોત નિપજ્યું : બે ની હાલત ગંભીર: ઇજાગ્રસ્તોને કરમસદ હોસ્પિટલ ખાતે ખસેડાયા

વડોદરા : પેટલાદ તાલુકાના રવીપુરા ચોકડી નજીક કાશીયાપુરા નજીક એક ટ્રેક્ટરની ટ્રોલીમાં સેન્ટ્રો કાર ઘુસી ગઇ હતી. જેના પગલે કારનો કચ્ચરઘાણ વળી ગયો હતો. અકસ્માતમાં એકનું ઘટના સ્થળે જ મોત નિપજ્યું હતું. જ્યારે અન્ય 2 લોકોને ગંભીર ઇજાઓ પહોંચી હતી. અકસ્માતમાં એકનું ઘટના સ્થળે જ મોત નિપજ્યું હતું. જ્યારે અન્ય 2ને ગંભીર ઇજા પહોંચી હતી. ઇજાગ્રસ્તોને 108ની ટીમે સારવાર માટે કરમસદ હોસ્પિટલ ખાતે ખસેડ્યા હતા. આ દરમિયાન 108 ટીમના પાયલોટ અને સ્ટાફને મળેલી 90 હજારની રકમ ઘવાયેલા યુવકોનાં પરિવારને પરત કરી હતી.

બનાવની વિગતો અનુસાર સુરત રહેતા જીજ્ઞેશભાઇ પોપટભાઇ લાખાણી (ઉ.વ 45), પરેશ લુખ્ખી (ઉ.વ 45), ભરત ધર્મેશભાઇ દુધેલિયા (ઉ.વ 50) સૌરાષ્ટ્રથી પરત ફરી રહ્યા હતા. જો કે સેન્ટ્રો કાર સવારે 05.30 વાગ્યે રવીપુરા ચોકડીથી બાંધણી ચોકડી રોડ પર કાશીયાપુર નજીકથી પસાર થઇ રહી હતી. ત્યારે કારચાલકે ટ્રેક્ટરને ઓવરટેક કરવા જતા કાર ટ્રેક્ટરની ટ્રોલીમાં ઘુસી ગઇ હતી. અકસ્માત એટલો ગંભીર હતો કે, પરેશભાઇનું ઘટના સ્થળે જ મોત નિપજ્યું હતું.

જો કે અકસ્માત બાદ આવી પહોંચેલી 108ની ટીમે તમામ લોકોને ગાડીની બહાર કાઢીને સારવાર માટે ખસેડ્યા હતા. જો કે ગાડીમાંથી તેમને રોકડા 53,540 રૂપિયા, બે મોબાઇલ, એક ઘડિયાળ અને એક વીટી અને એટીએમ કાર્ડ સહિત 90 હજાર રૂપિયાની મતા મલી આવી હતી. જે તેમણે પોતાની પાસે રાખી હતી. ઘાયલ યુવકોનાં પરિવારજનો હોસ્પિટલ પહોંચ્યા ત્યારે તેમને સુપ્રત કરી હતી.

(12:04 pm IST)
  • દેશમાં કોરોના હાંફી ગયો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,948 કેસ નોંધાયા :કુલ કેસની સંખ્યા 1,05, ,71,658 થઇ :એક્ટિવ કેસ 2,05,573 થયા: વધુ 13,164 દર્દીઓ સ્વસ્થ થતા કુલ 1,02,09,048 થયા :વધુ 136 લોકોના મોત સાથે કુલ મૃત્યુઆંક 1,52,447 થયા access_time 11:58 pm IST

  • એક કરોડની લાંચનો મામલો સીબીઆઈ ત્રાટકી: ત્રણની ધરપકડ CBI (કેન્દ્રીય તપાસ બ્યૂરો)એ 1985ના એક વરિષ્ઠ રેલવે અધિકારી મહેન્દ્રસિંહ ચૌહાણ સહિત 3ની ધરપકડ કરી હોવાનું જાણવા મળે છે. ૧ કરોડ રૂપિયાની લાંચ મામલે ત્રણેયને ઝડપ્યા હોવાના અહેવાલો સોશ્યલ મીડિયામાં વાયરલ થયા છે access_time 8:40 pm IST

  • કોવેક્સિન રસી બનાવતી કંપની ભારત બાયોટેક્નું એલાન : રસીની અવળી અસર થશે તો સારવારનો ખર્ચ કંપની ઉઠાવશે : ગંભીર અસર થાય તો વળતર ચુકવશે access_time 8:41 pm IST