Gujarati News

Gujarati News

News of Sunday, 17th January 2021

અમદાવાદમાં બર્ડ ફ્લૂની દહેશતે દેખા દીધા : મણિનગરમાં ઉડતો બગલો અચાનક નીચે પટકાયો: લોકોમાં ભયનો માહોલ

અમદાવાદ: ગુજરાત સહિત દેશના વિવિધ રાજ્યોમાં બર્ડ ફ્લૂની દહેશત જોવા મળી રહી છે, ત્યારે અમદાવાદના મણિનગરમાં ગોરના કુવા નજીક આકાશમાંથી ઉડતો બગલો અચાનક નીચે ઢળી પડતા લોકો પણ ભયભીત બન્યા છે.

આ અંગે પ્રાપ્ત વિગતો મુજબ, મણિનગરની કૈલાશવનની સામે ખારીકટ કેનાલ નજીક આવેલ કર્મભૂમિ સોસાયટીના રહેણાંક બંગલા નજીક એક ઉડતો બગલો અચાનક ઢળી પડ્યો હતો. જેમાં ઘટના સ્થળે જે બગાલનું મોત થતાં કર્મભૂમિના રહીશોમાં બર્ડ ફ્લૂને લઈને ફફડાટ ફેલાયો છે.

આ અંગે સ્થાનિકોએ 1962 હેલ્પલાઈન પર કોલ કરીને જાણ કરવામાં આવતા તેમણે મૃત્યુ પામેલા પક્ષી માટે આવવાની અસમર્થતા દર્શાવી AMCના તંત્રને જાણ કરવાની સલાહ આપી હતી. આખરે સ્થાનિકોએ વિસ્તારના અગ્રણી આગેવાન થકી AMC સુધી પોતાની વાત પહોંચાડી હતી.

(3:14 pm IST)
  • આજે દિલ્હીમાં કોરોના રસીકરણ બાદ આડઅસરોના કુલ 52 કેસ નોંધાયા છે, જેમાં 51 કિસ્સાઓમાં સામાન્ય આડઅસર સામે આવી છે જ્યારે 1 ગંભીર કેસ સામે આવ્યો છે તેમ દિલ્હી સરકારે જાહેર કર્યું છે. access_time 11:03 pm IST

  • વિશ્વભરમાં કોરોનાનો હાહાકાર યથાવત ચાલુ : અમેરિકાને કોરોના સતત નચાવે છે: આજે સવાર સુધીમાં બે લાખથી ઉપર કેસ નોંધાયા : અમેરિકામાં પોઝિટિવિટી રેટ ૧૦.૭ ટકા, સવા લાખ કોરોના દર્દીઓ હોસ્પિટલમાં, ૨૩ હજારથી વધુ આઈસીયુમાં અને ૨૪ કલાકમાં લગભગ ૩૭૦૦ નવા મૃત્યુ થયા છે : અત્યાર સુધીમાં ૧.૩૭ કરોડ લોકોને કોરોના સામે રક્ષણ આપતી રસી અપાઇ ચૂકી છે: બ્રાઝિલમાં સવાર સુધીમાં નવા ૬૨ હજાર, ઇગ્લેન્ડમાં ૪૧ હજાર, રશિયામાં ૨૪ હજાર, ફ્રાન્સમાં ૨૧ હજાર, ઇટાલીમાં ૧૬ હજાર અને ભારતમાં નવા કોરોના કેસ ૧૫,૧૪૪ નોંધાયા છે: આ ઉપરાંત જર્મનીમાં ૧૪ હજારથી વધુ, ઈઝરાયેલમાં ૮ હજારથી વધુ અને જાપાન- કેનેડામાં છ હજારની આસપાસ નવા કેસ નોંધાણા: યુનાઇટેડ આરબ અમીરાતમાં પણ ૨૪ કલાકમાં ૩૪૦૦થી વધુ કોરોના કેસ નોંધાયા છે: ભારતમાં આજે 181 નવા કેસ નોંધાયા છે જ્યારે ૧૫,૧૪૪ નવા કેસો સામે ૧૭ હજારથી પણ વધુ લોકો સાજા થયા છે. access_time 3:30 pm IST

  • પોલીઓની જેમ જ દેશમાંથી કોરોના પણ ભગાડશું: અમિતાભ બચ્ચન સુપ્રસિદ્ધ બૉલીવુડ અભિનેતા અમિતાભ બચ્ચને કોરોના રસીકરણને લઈને ટ્વીટ કરી કહ્યુ કે જેમ પોલિયોને આપણે ભારતમાંથી નાબુદ કર્યો તેમ જ ભારતને કોરોના મુક્ત પણ કરીશુ. access_time 8:35 pm IST