Gujarati News

Gujarati News

News of Wednesday, 16th September 2020

લૂંટ કરોડોની હોય કે પછી સામાન્ય રકમની ગુન્હેગારોને શોધવામાં કોઇ કચાશ રખાતી નથી : જે.આર.મોથલીયા

ડ્રગ્સ- હથિયારો- ઘૂસણખોરી વિગેરે માટે સ્ટેટ આઇબી- સેન્ટ્રલ આઇબી અને બીએસએફ સાથે સંકલન સાધી રણનીતિ ઘડી છે : બોર્ડર વડા સાથે અકિલાની વાતચીત : પોલીસની ભૂમિકાના પુરાવાઓ મળશે તો આકરી કાર્યવાહી : બનાસકાંઠા એસપી તરૂણ દુગ્ગલ ટીમ દ્વારા પાક ધિરાણની રકમ તથા બે બાઇક ચોરીમાં જે રીતે કાર્યવાહી કરી તેનાથી સામાન્ય માનવી પણ ખુશખુશાલ બન્યા છે

રાજકોટ, તા., ૧૬: મુંદ્રા સૌરાષ્ટ્ર સીએફએસથી મુંબઇથી જતી ટ્રકમાંથી ૧.૪૪ કરોડના પિસ્તાની ચકચારી લૂંટ હોય કે પછી બનાસકાંઠા પંથકમાં પાક ધિરાણની રકમ કે બાઇકની લૂંટ હોય અમારા એસપીઓથી લઇ સમગ્ર ટીમ તમામ બાબતો ગંભીરતાથી લઇ કોઇ પણ હિસાબે આવો ભેદ ઉકલી જાય તે માટે આકાશ-પાતાળ એક કરે છે. તેઓએ જણાવેલ કે કોઇ ગુન્હાહીત કૃત્ય કે લૂંટ જેવા મામલામાં પોલીસની સંડોવણી પુરવાર થશે તો તેની સામે આકરી કાર્યવાહી કરવામાં આવશે તેમ કચ્છ-પાટણ અને બનાસકાંઠાની સરહદી રેન્જના રેન્જ વડા આઇજીપી જે.આર.મોથલીયાએ અકિલા સાથેની વાતચીતમાં જણાવેલ.

રેન્જ વડા પુર્વ કચ્છ પોલીસ દ્વારા તેઓના માર્ગદર્શન હેઠળ એસપી મયુર પાટીલ, નાયબ પોલીસ અધિક્ષક બી.એસ.વાઘેલાની રાહબરી હેઠળ ૧,૪૪,૩૭,૩૩૬ના પિસ્તા ચોરીનો ટેકનીકલ સર્વેલન્સથી ભેદ ઉકેલવા સાથે અંજાર પોલીસની સંડોવણી સંદર્ભે જણાવ્યું હતું.

અકિલા સાથેની વાતચીતમાં વિશેષમાં તેઓએ જણાવેલ કે બનાસકાંઠા વિસ્તારમાં  પોલીસ અધિક્ષક તરૂણ દુગ્ગલ તથા ડીવાયએસપી કે.આર.ઓઝા તથા પીઆઇ જે.બી.ચૌધરી ટીમ દ્વારા બેંક ઓફ બરોડામાંથી પાક ધિરાણની થરાદ ગામેથી ર,૩૮,૦૦૦ લઇને બહાર નિકળ્યા ત્યારે પેટ્રોલ પંપથી થોેડે દુર એક શખ્સે પીકઅપ વાહન ઉભુ રખાવી છરીની અણીએ લૂંટ કરેલી.

ઉકત ઘટના બાદ પોલીસે નાકાબંધી કરવા સાથે એસઓજી એલસીબી સંયુકતની ટીમો કામે લગાડી મધ્યપ્રદેશના મોનુ સીસોદીયાને કોરોના પરીક્ષણની કાર્યવાહી કર્યા બાદ અટકની કાર્યવાહી પણ હાથ ધરી હતી.

બોર્ડર વડા જે.આર.મોથલીયાએ વિશેષમાં એવું પણ જણાવેલ કે બનાસકાંઠાના થરાદમાંથી ૨૦ દિવસ પહેલા બે બાઇક ગૂમ થયેલા, સામાન્ય લોકો માટે બાઇક ચોરાઇ જાય ત્યારે તેના પરીવારને ખુબ જ તકલીફ પડતી હોય છે એ બાબત ધ્યાને રાખી એસપી તરૂણ દુગ્ગલ સાથે ચર્ચા કરી ચોરીઓ અંગે ખાસ ડ્રાઇવ યોજી ઇન્ચાર્જ વિભાગીય પોલીસ અધિક્ષક કે.આર. ઓઝા તથા જે.બી.ચૌધરીના માર્ગદર્શન હેઠળ બાઇકનો પત્તો લગાડી આરોપીઓને ઝડપી લેવામાં આવ્યા હતા આમ ચોરીઓ કે લૂંટ કરોડોની હોય કે સામાન્ય અમારી રેન્જમાં સરખુ જ મહત્વ અપાય છે.

ડ્રગ્સ, હથીયારો, નાપાક તત્વોની ઘુસણખોરી કે સ્લીપર સેલ આ બાબતોની પ્રાથમીકતા આપવામાં આવી છે. સ્ટેટ આઇબી, સેન્ટ્રલ આઇબી અને બીએસએફ સાથે સંકલન સાધવામાં આવ્યું છે સરહદી વિસ્તાર તથા દરીયા કાંઠા વિસ્તાર નજીક રહેતા લોકોને જાગૃત કરી પોલીસના અગત્યના નંબરો અપાયા છે. શકમંદ તત્વો હિલચાલ સમયે તુર્ત જ માહીતી મળે તે માટે ચોકકસ પ્રકારની રણનીતી તૈયાર કરી છે તેમ બોર્ડર વડાએ વાતચીતના અંતે જણાવ્યું હતું.

(12:19 pm IST)
  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST

  • " ગમ ભૂલાનેકે લિયે મૈં તો પીયે જાતા હૂં " : દુઃખ ભૂલવા માટે ડ્રગ્સ લેવું પડતું હોય છે : ડ્રગ્સ લેનારની દુર્દશા અને મજબૂરીઓ વિશે કોઈને ખ્યાલ સુદ્ધા નથી હોતો : પૂજા ભટ્ટની ફિલોસોફી access_time 6:10 pm IST

  • ઉત્તર પ્રદેશના પ્રયાગરાજમાં એકબાજુ વડાપ્રધાન શ્રી નરેન્દ્ર મોદીના જન્મદિવસની ઉજવણી અને બીજીબાજુ પથ્થરમારો : સરકારી નોકરીમાં 5 વર્ષ માટે કોન્ટ્રાકટ ઉપર ભરતી કરવાના નિર્ણય સામે વિરોધીઓતોફાને ચડ્યા : પોલીસ ઉપર પથ્થરમારો કરતા વળતા જવાબમાં પોલીસનો લાઠીચાર્જ access_time 6:35 pm IST