Gujarati News

Gujarati News

News of Wednesday, 16th September 2020

જૂગારનો અડ્ડો ચલાવતાં પકડાય તેની સામે પણ હવે થઇ શકશે પાસા

ગૃહવિભાગે પાસાના કાયદામાં કર્યો સુધારોઃ પહેલા માત્ર દારૂ-મારામારીમાં પાસા થતાં: હવે સાયબર ક્રાઇમ અને છેડતીના ગુનામાં પણ લઇ શકાશે પાસાના પગલા

રાજકોટ તા. ૧૫: ગુનેગારોને કાબુમાં રાખવા શહેર પોલીસ કમિશનરને તેને પાસા તળે જેલમાં મોકલવાની સત્તા છે. અત્યાર સુધીમાં અનેક સામે પાસાનું શસ્ત્ર ઉગામાઇ ચુકયું છે. હવે આ કાયદામાં ગૃહવિભાગે સુધારો કર્યો છે અને હવેથી જૂગારનો અડ્ડો ચલાવતાં પકડાય તો તેની સામે પણ પાસા તળે કાર્યવાહી કરી શકાશે.

ગૃહવિભાગે ૧૪મીએ એક આદેશ બહાર પાડી રાજ્યના ડીજીપી તથા તમામ પોલીસ કમિશનર, જીલ્લા મેજીસ્ટ્રેટ અને પોલીસ અધિક્ષકને પાસા કાયદામાં થયેલા સુધારા બાબતે જાણ કરી છે. અત્યાર સુધી માત્ર દારૂ-મારામારીના ગુનાઓમાં પકડાય તેની સામે જ પાસાની કાર્યવાહી થતી હતી. પરંતુ હવે નવા સુધારા મુજબ જૂગારનો અડ્ડો ચલાવતાં એટલે કે જૂગારધામ ચલાવતાં જે સંચાલક પકડાય તેની સામે પણ પાસા તળે કાર્યવાહી થઇ શકશે.

આ ઉપરાંત અન્ય બે સુધારામાં સાયબર ક્રાઇમના ગુનામાં તેમજ જાતીય સતામણીના ગુનામાં પણ પાસા તળે કાર્યવાહી થઇ શકશે. નવા સુધારા પાસા કરવા અંગે શહેર પોલીસ કમિશનર શ્રી મનોજ અગ્રવાલની રાહબરીમાં પીસીબી પીઆઇ એન. કે. જાડેજા અને ટીમે અભ્યાસ શરૂ કરી દીધો હોવાનું જાણવા મળે છે.

(3:05 pm IST)
  • " સર કટા શકતે હૈ ,લેકિન સર ઝુકા શકતે નહીં " : હું ક્ષત્રિયાણી છું : સ્વમાનના ભોગે સિદ્ધાંતમાં બાંધછોડ નહીં કરું : રાષ્ટ્રના સન્માન માટે અવાજ ઉઠાવીશ : રાષ્ટ્રવાદી તરીકે જીવીશ : જયહિન્દ : કંગના રનૌતનું ટ્વીટ access_time 1:00 pm IST

  • દેશમાં કોરોનાનો વધતો કહેર :રાત્રે 12 વાગ્યા સુધીમાં નવા 96,782 પોઝીટીવ નોંધાયા : કુલ કેસની સંખ્યા 52,12,676 થઇ : એક્ટિવ કેસ 10.17,708 થયા : વધુ 87,778 દર્દીઓ સ્વસ્થ થતા 41,09,928 રિકવર થયા : વધુ 1175 લોકોના મોત : મૃત્યુઆંક 84,404 થયો access_time 12:47 am IST

  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST