Gujarati News

Gujarati News

News of Thursday, 17th September 2020

ગુજરાતમાં ડ્રગ્સ મુંબઈથી જ ઘૂસાડવામાં આવે છે

એમડી ડ્રગ્સના આરોપીનો મોટો ખુલાસો : એમડી ડ્રગ્સની પડીકી બનાવીને અમદાવાદમાં જુદા જુદા વિસ્તારમાં ૩૫૦૦ થી ૪૦૦૦ રૂપિયામાં વેચાય છે

અમદાવાદ,તા.૧૬ : વડોદરા એકસપ્રેસ હાઈવે પાસેથી એમડી ડ્રગ્સ સાથે પકડાયેલા આરોપીઓની પુછપરછમાં કેટલાક ચોંકવનારા ખુલાસા થયા છે. જેમાં સહજાદ તેજાબવાલા અને ઇમરાન એહમદ અજમેરી મુંબઈના અફાફબાવા અને તેમના પુત્ર ફિદાની પાસેથી લાવતા હતા.પાચેય આરોપી ૧૭મી સુધી પોલીસ રિમાન્ડ પર સોંપવામાં આવ્યા છે. બીજી તરફ ક્રાઈમ બ્રાન્ચે ડ્ગ્સ માફિયાઓને પકડવા માટે બે દિવસથી મુંબઈમાં ટીમો મોકલી છે. મુંબઈના ડ્રગ્સ ડિલર પિતા અને પુત્રને દસ લાખ રૂપિયા ચુકવ્યા હોવાનું તપાસમાં બહાર આવવા પામ્યુ છે. મુંબઈના ડ્રગ્સ ડિલરો સાથે સહજાદ તેજાબવાલા તાજેતરમાં મિટીંગો કરી હતી. એમડી ડ્રગ્સ મુંબઈથી લાવીને અમદાવાદમાં એક ગ્રામની ઝીપર બેગની પડીકી બનાવીને પેડલરો મારફતે વેચાણ કરવામાં આવતુ હતુ.

             જેમાં મોટાભાગે એમડી ડ્રગ્સ એસજી હાઈવે અને કોલેજોના વિદ્યાર્થીઓ ખરીદી કરતા હોવાનું બહાર આવવા પામ્યુ છે.એમડી ડ્રગ્સના બંધાણી યુવતી થયા હોવાનું બહાર આવ્યુ. આરોપીઓને એમડી ડ્રગ્સના વેચાણ કરવા માટે મોટા માથાનું પીઠબળ હોય તે બાબતે તપાસ કરવામાં આવશે. આરોપીઓના મોબાઈલ નંબરો મેળવ્યા છે અને તેમના નંબરોના આધારે કોલડિટેઈલ કઢાવવામાં આવશે. જેના આધારે ડ્રગ્સ માફિયા અને મોટા પેડલરોની તપાસ કરવામાં આવશે. એએસઆઈ ફિરોઝ નાગોરી સાથે બીજા પોલીસ કર્મચારી કે સરકારી કર્મચારી સંડોવાયેલ હોય તે બાબતે તપાસ કરવી ખૂબ જ જરૂરી છે.સહજાદ તેજાબવાલા અને આરીફ ઉર્રેફ મુન્નો કાઝી સાથે મળીને સંખ્યાબંધ વખત એમડી ડ્રગ્સ મુંબઈથી લાવીને વેચાણ કરતા હોવાનું ખુલવા પામ્યુ છે.  વડોદરા એક્સપ્રેસ ટોલપ્લાઝા પાસેથી ૧ કરોડની કિંમતનું એમડી (મેફેડ્રોન) ડ્રગ્સને લઇને આવતા દાણીલીમડા પોલીસ સ્ટેશનના એસએચઇ ટીમના ઈન્ચાર્જ એએસઆઇ, મુખ્ય આરોપી સહજાદ અને ઇમરાન સહિત પાંચ શખસોની પોલીસે ધરપકડ કરી હતી.

(9:02 pm IST)
  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • ધારાશાસ્ત્રીએ દસ લાખના : વળતરની માગણી કરી : મોટર એકલા ચલાવતી વેળાએ માસ્ક નહિ પહેરવા સબબ એક ધારાશાસ્ત્રીને પાંચસો રૂપિયાનો દંડ ફટકારવામાં આવતા તેમણે દિલ્હી હાઇકોર્ટમાં પડકાર ફેંકી દસ લાખ રૂપિયાના વળતરની માગણી કરી છે. access_time 7:32 pm IST