Gujarati News

Gujarati News

News of Thursday, 17th September 2020

આત્મનિર્ભર ભારતની પ્રક્રિયામાં ગુજરાતને અગ્રેસર બનાવવામાં રાજયની યુનિવર્સિટીઓ નિર્ણાયક ભૂમિકા ભજવે : ભૂપેન્દ્રસિંહ ચુડાસમા

રાજયની ખાનગી યુનિવર્સિટીઓના ટ્રસ્ટીઓ સાથે શિક્ષણમંત્રીનો વેબિનાર દ્વારા સંવાદ

રાજોકટ,તા.૧૭ : પ્રધાનમંત્રી શ્રી નરેન્દ્રભાઇ મોદીએ આત્મનિર્ભર ભારતનું જયારે આહવાન કર્યુ છે ત્યારે તેમાં ગુજરાત મહત્વની ભૂમિકા ભજવે તે માટે રાજયની યુનિવર્સિટીઓ ઈનોવેશન વર્કને મહત્વ આપીને વધુમાં વધુ Inovasion Intellctual Property Rights (IPR) અને Patent File તૈયાર કરવા શિક્ષણમંત્રી   ભૂપેન્દ્રસિંહ ચુડાસમાએ આહવાન કર્યુ છે. ગઇકાલે ગાંધીનગર ખાતે રાજયની ખાનગી યુનિવર્સિટીઓના ટ્રસ્ટી અને પ્રોવોસ્ટના વેબિનારમાં સંબોધન કરતાં  ભૂપેન્દ્રસિંહ ચુડાસમાએ જણાવ્યું હતું કે, આપણા સૌના સહિયારા પ્રયાસોના કારણે આપણે સ્ટાર્ટઅપ અને ઈનોવેશનમાં દેશમાં પ્રથમ સ્થાને આવેલા છીએ ત્યારે આ સ્થાન આગામી સમયમાં પણ ટકાવી રાખી વિશ્વના રેકીંગમાં સ્થાન મેળવવા આપણે સંકલ્પ કરવાનો છે.આ વેબિનારમાં ગણપત યુનિવર્સિટીના ટ્રસ્ટીએ અમેરિકાથી જોડાઇને સંવાદમાં ભાગ લીધો હતો અને ખાસ કરીને સ્ટાર્ટઅપમાં સતત બીજા વર્ષે ગુજરાતે સ્થાન મેળવવા બદલ આનંદની લાગણી વ્યકત કરી હતી. શિક્ષણમંત્રી  ભૂપેન્દ્રસિંહ ચુડાસમાએ જણાવ્યું હતું કે, યુનિવર્સિટીઓએ સમાજના ઉત્સાહી યુવા ભાઇ-બહેનોને ઈનોવેશન કામમાં પ્લેટફોર્મ મળે તે રીતે યુનિવર્સિટીઓએ આયોજન કરવું પડશે. ઉપરાંત દરેક યુનિવર્સિટી નવીનતમ સ્ટાર્ટઅપ અને IPR પર નવા અભ્યાસક્રમો દાખલ કરે. દરેક યુનિવર્સિટી દર વર્ષે શ્રેષ્ઠ સંશોધનકારો, ઈનોવેશન અને વિધાર્થીઓને તેમના વિચારોને સ્ટાર્ટઅપમાં બદલવા માટે મેડલ અને પ્રસંશા પુરસ્કારો આપે. ઈનોવેશ, IPR અને સ્ટાર્ટઅપ પર ફેકલટી સભ્યોને તાલીમ આપવાનું આયોજન કરે. ચુડાસમાએ જણાવ્યું હતું કે, રોજગાર આપવાની સૌની વધારે ક્ષમતા ઈનોવેશન અને સ્ટાર્ટઅપમાં જ છે. આપણું સુત્ર છે કે આપણો યુવાન રોજગાર આપનાર બને નહીં કે રોજગાર માંગનાર, આ વાતને સાકાર કરવા માટે આગામી દિવસોમાં શિક્ષણ, ઉદ્યોગ, વિજ્ઞાપન અને પ્રોદ્યોગિકી વિભાગ દ્વારા સંયુકત વેબિનારનું આયોજન કરવામાં આવશે.

(3:35 pm IST)
  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST

  • દેશમાં કોરોનાનો વધતો કહેર :રાત્રે 12 વાગ્યા સુધીમાં નવા 96,782 પોઝીટીવ નોંધાયા : કુલ કેસની સંખ્યા 52,12,676 થઇ : એક્ટિવ કેસ 10.17,708 થયા : વધુ 87,778 દર્દીઓ સ્વસ્થ થતા 41,09,928 રિકવર થયા : વધુ 1175 લોકોના મોત : મૃત્યુઆંક 84,404 થયો access_time 12:47 am IST