Gujarati News

Gujarati News

News of Thursday, 17th September 2020

વડોદરાના વાઘોડિયા રોડ પર રસ્તા પર ઉભેલ ગાય સાથે બાઈક અથડાતા સર્જાયેલ અકસ્માતમાં ચાલક ગંભીર રીતે ઈજાગ્રસ્ત

વડોદરા: શહેરના વાઘોડિયા રોડ પર આવેલ આમોદર નજીક બાઇક ચાલક રસ્તા ઉપર ઊભેલી ગાય સાથે  ભટકાતા અકસ્માત સર્જાયો હતો. જેમાં બાઇકચાલકને માથાના ભાગે ગંભીર ઇજાઓ થતા તેનું ટુંકી સારવાર દરમિયાન મોત નીપજ્યું હતું. 

આ અકસ્માતના બનાવમાં વાઘોડિયા પોલીસે મૃતક વિરૂદ્ધ વાહન ચલાવતા સમયે બેદરકારી દાખવી પોતાનું મોત નીપજાવવાની કલમો હેઠળ ગુનો નોંધ્યો હતો. વાઘોડિયાના પીપળીયા ખાતે વણકરવાસમાં રહેતો કમલેશ પરમાર વડોદરા શહેરની ખાનગી કંપનીમાં નોકરી કરતો હતો.

દરમિયાન તે પીપળીયા નજીક આવેલ ગાયત્રી મંદિર પાસે થી બાઈક પર પસાર થઇ રહ્યો હતો. તે સમયે રસ્તા ઉપર ઊભેલી ગાય સાથે અકસ્માત થયો હતો. આ અકસ્માતમાં તેને ગંભીર ઇજાઓ પહોંચતા તેને તાત્કાલિક સારવાર અર્થે 108 એમ્બ્યુલન્સ મારફતે ધીરજ હોસ્પિટલ લઈ જવામાં આવ્યો હતો. 

(5:09 pm IST)
  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST

  • ઉમરપાડામાં ખતરનાક વરસાદ : બે કલાકમાં અનરાધાર ૧૧ ઇંચ : વલસાડ: ઉમરપાડામાં બે કલાકમાં ૧૧ ઈંચ વરસાદ ખાબક્યો access_time 7:29 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST