Gujarati News

Gujarati News

News of Thursday, 17th September 2020

સુરતના વેસુ વીઆઈપી રોડ નજીક દહેજના ભૂખ્યા સાસરિયાએ પરિણીતા પાસે માંગણી કરી ત્રાસ ગુજારતા પોલીસ ફરિયાદ

સુરત: શહેરના વેસુ વીઆઇપી રોડ સ્થિત હોરાઇઝન એપાર્ટમેન્ટમાં રહેતી એમબીએ યુવતી શીખા નિલેશ ગુપ્તા (ઉ.વ. 28) દોઢ વર્ષ અગાઉ સોશીયલ મિડીયા સ્નેપચેટ પર સી. એ પ્રતીક ચંપાલાલ અગ્રવાલ (ઉ.વ. 28 રહે. એ 5, આસ્થા એપાર્ટમેન્ટ, ઉધના-મગદલ્લા રોડ) ના સંર્પકમાં આવ્યા બાદ પરિવારની સમંતિથી લગ્ન કર્યા હતા. લગ્ન પૂર્વે સગાઇ ટાંણે પ્રતીકના પિતા અને માતા કાંતાબેને દહેજેમાં કારની માંગણી કરતા 8.50 લાખની કિંમતની કાર ખરીદી આપી હતી. 

લગ્ન ટાંણે વૈભવી સમારંભ રાખવાની માંગણી કરતા શિખાની ખુશી માટે તેના માતા-પિતાએ સાપુતારાની સનોટલ હોટલમાં તા. 25 જુન 2019ના રોજ લગ્ન સમારંભ રાખ્યો હતો અને દહેજમાં રોકડા 21 લાખ અને 25 લાખના દાગીના આપ્યા હતા. પરંતુ તેમ છતા પણ દહેજ લાલચુ પતિ અને સાસરીયાએ ત્રાસ આપવાનું શરૂ કર્યુ હતું.

શીખાને તેના સાસુ-સસરાએ તું અમારી પસંદ નથી, તારા પતિએ તને પસંદ કરી છે, તું અમારા ઘરમાં નહીં ચાલશે, ઘરકામ આવડતું નથી, તું અમારા પગની ચંપલ બરાબર છે એમ કહી ચારિત્ર્ય અંગે શંકા વ્યક્ત કરી ત્રાસ આપવાનું શરૂ કર્યુ હતું. બીજી તરફ પતિ પ્રતીક પણ દારૂના નશામાં શીખાને માર મારી ઘર ખરીદવા રોકડા રૂા. 50 લાખની માંગણી શરૂ કરી માર મારી ઘરમાંથી કાઢી મુકી હતી અને પ્રતીક પરિવાર સાથે દહેજનો તમામ સરસામન લઇ અજ્ઞાત સ્થળે રહેવા ચાલ્યો જતા છેવટે શીખાએ ઉમરા પોલીસ સ્ટેશનમાં ફરિયાદ નોંધાવી હતી. 

(5:11 pm IST)
  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST

  • ઉત્તર પ્રદેશના પ્રયાગરાજમાં એકબાજુ વડાપ્રધાન શ્રી નરેન્દ્ર મોદીના જન્મદિવસની ઉજવણી અને બીજીબાજુ પથ્થરમારો : સરકારી નોકરીમાં 5 વર્ષ માટે કોન્ટ્રાકટ ઉપર ભરતી કરવાના નિર્ણય સામે વિરોધીઓતોફાને ચડ્યા : પોલીસ ઉપર પથ્થરમારો કરતા વળતા જવાબમાં પોલીસનો લાઠીચાર્જ access_time 6:35 pm IST

  • ધારાશાસ્ત્રીએ દસ લાખના : વળતરની માગણી કરી : મોટર એકલા ચલાવતી વેળાએ માસ્ક નહિ પહેરવા સબબ એક ધારાશાસ્ત્રીને પાંચસો રૂપિયાનો દંડ ફટકારવામાં આવતા તેમણે દિલ્હી હાઇકોર્ટમાં પડકાર ફેંકી દસ લાખ રૂપિયાના વળતરની માગણી કરી છે. access_time 7:32 pm IST