Gujarati News

Gujarati News

News of Thursday, 17th September 2020

રાજ્યના ૬૪ તાલુકાઓમાં મેઘમહેર : સુરતના ઉમરપાડામાં ૨ કલાકમાં ભુક્કા બોલાવતો ૧૧ ઈંચ વરસાદ : ચારેકોર જળબંબાકાર : અનેક કોઝવે પાણીમાં ગરકાવ : વાહનચાલકોને પારાવાર મુશ્કેલી : ઉકાઈ ડેમની સપાટી 342.47 ફૂટ પર પહોંચી

જીતેન્દ્ર રૂપારેલિયા દ્વારા, વાપી : રાજ્યના ૬૪ તાલુકામા આજે સવારથી મેઘરાજા અનરાધાર વરસી રહયો છે. સુરતના ઉમરપાડામાં ૨ કલાકમાં ભુક્કા બોલાવતો ૧૧ ઈંચ વરસાદ વરસી ગ્યો હોવાનું જાણવા મળે છે. અન્ય તાલુકાઓમાં ૪ ઈંચ સુધીનો વરસાદ નોંધાયો છે. સુરતના ઉમરપાડા વિસ્તારમાં બે કલાકમાં 11 ઇંચ વરસાદ પડતા સમગ્ર વિસ્તાર જળબંબાકાર થઈ ગયો છે અને ચારેય બાજુ જાણે નદીઓ વહેતી હોય તેવા દ્રશ્યો સર્જાયા છે. ભારે વરસાદના લીધે અહીંની વીરા નદીમાં પણ ભારે પૂર આવતા લોકોની હાલત વધારે કફોડી બની છે.

ધોધમાર વરસાદના પગલે ચીતલડા અને ખાંભા બંગલીને જોડતો કોઝવે પાણીની અંદર ગરકાવ થઈ ગયો છે. કોઝવે પાણીમાં ગરકાવ થવાના લીધે વાહનવ્યવહાર બંધ થયો છે. માંગરોળમાં પણ સવા પાંચ ઇંચ વરસાદ પડતા રસ્તાઓ પર પાણી ફરી વળ્યું છે. રસ્તાઓ ક્યાંય દેખાતા જ નથી. તેના લીધે વાહનચાલકોએ પારાવાર મુશ્કેલીનો સામનો કરવો પડી રહ્યો છે.

આટલા વરસાદ વચ્ચે પણ સુરત શહેર અને જિલ્લા તથા ઉપરવાસમાં વરસાદે વિરામ લેતા ઉકાઈ ડેમમાં પાણીની આવક નહીવત થઈ છે. હાલમાં આ સપાટી 342.47 ફૂટ પર પહોંચી છે. જ્યારે વિયર કમ કોઝવેની સપાટી 6.24 મીટરે પહોંચી છે.

ફ્લડ કન્ટ્રોલ પાસેથી મળતી માહિતી અનુસાર આજે સવારે છ વાગ્યાથી લઈ સાંજ ના ૬ વાગ્યા સુધીમાં નોંધાયેલ વરસાદ ના મુખ્ય આંકડા ને જોઈએ તો..... ઉમરપાડા ૨૭૫ મિમી... માંગરોળ ૧૩૮.. દેડીયાપાડા ૯૯ મિમી.... ચીખલી અને કુકુરમુંડા ૭૪ મિમી.... સગબારા ૬૯ મિમી... હાલોલ ૬૩ મિમી... ઘોઘંબા ૪૮ મિમી... ડોલવણ ૪૭ મિમી... વઘઇ ૩૫ મિમી... અંકલેશ્વર ૩૧ મિમી... માણસા ૩૦ મિમી... અને નિઝર ૨૭ મિમી વરસાદ નોંધાયેલ છે. આ ઉપરાંત રાજ્ય ના ૫૧ તાલુકા મા ૧ થી ૨૪ મિમી સુધી નો હળવો વરસાદ નોંધાયો છે.

હવામાન વિભાગનું કહેવું છે કે વરસાદનો આ અંતિમ રાઉન્ડ છે અને આ અંતિમ રાઉન્ડ 30મી સપ્ટેમ્બર સુધી ચાલી શકે છે. આ વર્ષે રાજ્યમાં ભારે વરસાદ પડ્યો છે અને વરસાદની સરેરાશ 96 ટકા હોય છે, તે આ વખતે સમગ્ર રાજ્યમાં વરસાદ 100 ટકાથી પણ વધારે થયો છે. ફક્ત રાજ્ય જ નહી સમગ્ર દેશમાં પણ વરસાદ 96 ટકાની સરેરાશ કરતાં વધારે પ્રમાણમાં પડ્યો છે અને નદીઓમાં ઘોડાપૂર આવ્યા છે.

(8:09 pm IST)
  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • દેશમાં કોરોનાનો વધતો કહેર :રાત્રે 12 વાગ્યા સુધીમાં નવા 96,782 પોઝીટીવ નોંધાયા : કુલ કેસની સંખ્યા 52,12,676 થઇ : એક્ટિવ કેસ 10.17,708 થયા : વધુ 87,778 દર્દીઓ સ્વસ્થ થતા 41,09,928 રિકવર થયા : વધુ 1175 લોકોના મોત : મૃત્યુઆંક 84,404 થયો access_time 12:47 am IST

  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST