Gujarati News

Gujarati News

News of Sunday, 18th October 2020

નાંદોદના સિસોદ્રા ગામમાં લીઝ બાબતે ગ્રામજનોનું ટોળું રસ્તા પર ઉતરી આવ્યું, વાહનો સામે અવરોધ ઉભો કરતા ટોળાં વિરુદ્ધ ગુનો દાખલ

(ભરત શાહ દ્વારા) રાજપીપળા : નાંદોદ તાલુકાના સિસોદ્રા ગામમાં લીઝ બાબતે રસ્તા પર ઉતરી આવેલા ગામ લોકોના ટોળાં વિરુદ્ધ નવસારીના વેપારી ઉમેશભાઈ હરેશભાઈ ઓડએ ફરિયાદ આપી છે.
 ફરિયાદમાં  જણાવ્યા મુજબ તેઓ સિસોદ્રા ગામમાં રેતીની લીઝ માટે પોતાની કાર અને લીઝની મશીનરી લઈ જતા હતા તે સમયે ગામની સિમમાં નર્મદા નદીના કાંઠે હરનીષભાઈ જશ ભાઈ પટેલ, અતુલભાઈ જશભાઈ પટેલ,જશુભાઈ છોટા ભાઈ પટેલ, રોશનભાઈ જયંતીભાઈ પટેલ,નિતીનભાઈ ચતુર ભાઈ પટેલ,જયેનદ્રભાઈ નારણભાઈ પટેલ,જૈમિનભાઈ મહેશભાઈ પટેલ ,તેજશભાઈ મહેશભાઈ પટેલ,પંકજભાઈ સુરેશભાઈ પટેલ,રવિભાઈ પ્રવિણભાઈ પટેલ,અશોકભાઈ રણછોડભાઈ પટેલ, રાકેશભાઈ જોરભાઈ પટેલ,માલાબેન રણછોડભાઈ પટેલ,બકીબેન દિલીપભાઈ પટેલ,ચીંટુબેન નિતીનભાઈ પટેલ તમામ (રહે.સિસોદ્રા) તેમજ અન્ય 30 જેટલા લોકોનું ટોળાંએ ગે.કા મંડળી બનાવી ઉમેશભાઈ ઓડ તથા સાહેદોને સિસોદ્રા ગામે નર્મદા નદીમાં લીઝ નહી નાંખવા દેવાના ઈરાદે વાહનો આગળ રસ્તા ઉપર બેસી જઈ અવરોધ ઉભો કરી ગમે તેવી ગાળો બોલી જાનથી મારી નાંખવાની ધમકીઓ આપી હતી તેમજ જાહેરનામાનો ભંગ કરી ગુનો કર્યો હોય એ બાબતે આમલેથા પોલીસે ટોળાં વિરુદ્ધ ગુનો દાખલ કરી તપાસ હાથ ધરી છે.

(10:21 pm IST)
  • પટણા એરપોર્ટ ઉપર કેન્દ્રીય મંત્રી રવિશંકર પ્રસાદના હેલીકૉપટરના બે પંખા તૂટ્યા : ચૂંટણી પ્રચાર કરી પરત ફરી રહ્યા હતા : તેમની સાથે બિહારના બે મંત્રીઓ મંગલ પાંડે તથા સંજય ઝા પણ હતા : બાલ બાલ બચાવ access_time 8:12 pm IST

  • ડીડીસીએના પ્રમુખ પદે રોહન અરુણ જેટલી ચૂંટાયા : દિલ્હી ક્રિકેટ એસોસિયેશન (ડીડીસીએ)ના પ્રમુખ પદે સ્વર્ગસ્થ નાણામંત્રી અરુણ જેટલીના પુત્ર રોહન જેટલી ચૂંટાઈ આવ્યા છે. access_time 5:08 pm IST

  • રાજકોટ માં વીજળી ના કડાકા ભડાકા સાથે સાંજે 1 કલાક માં બેફામ 2 ઇંચ વરસાદ.રોડ પર નદીઓ વહી. વીજળી ના ભયંકર અવાજ થી લોકો ફફડી ઉઠ્યા.ફાયર બ્રિગેડમાં સામા કાંઠે 55 મી.મી. અને જુના રાજકોટ માં 45 મી મી. વરસાદ નોંધાયો .હજુ અસહ્ય બફારો યથાવત.ફફડી access_time 8:44 pm IST