Gujarati News

Gujarati News

News of Sunday, 18th October 2020

યુવતીની જાહેરમાં છેડતી કરી એસિડ ફેંકવાની ધમકી

અમદાવાદના કાલુપુર વિસ્તારની ઘટના : હું સલીમચંદનો ભાઈ છું કાલુપુર પોલીસ સ્ટેશનમાં સેટીંગ છે તમેં મારું કઇ નહીં બગાડી શકો : યુવક દ્વારા ધમકી

અમદાવાદ,તા.૧૮ : કાલુપુરમાં ગાંધી રોડ પર નોકરી કરતી યુવતીની જાહેરમાં છેડતી કરી એસિડ ફેંકવાની યુવકે ધમકી આપી હતી. યુવતીની માતાએ યુવકને ઠપકો આપતા મારામારી કરી અને હું સલીમચંદનો ભાઈ છું કાલુપુર પોલીસ સ્ટેશનમાં સેટીંગ છે મેં મારું કઇ નહીં બગાડી શકો તેમ કહ્યું હતું. મહિલાએ પોલીસને જાણ કરતા કાલુપુર પોલીસે આરોપી સામે કાર્યવાહી હાથ ધરી છે. જોકે, પોલીસે ફરિયાદ નોંધતા યુવકની હવા ટાઇટ થઈ ગઈ છે અને તેના કથિત સેટિંગ વિખેરાઈ ગયા હોય તેવું પ્રતીત થઈ રહ્યું છે. કાલુપુરમાં એક યુવતી તેના પરિવાર સાથે રહે અને ગાંધી રોડ પર આવેલી એક દુકાનમાં નોકરી કરે છે. રાતે યુવતી નોકરી પરથી ઘરે પરત જતી હોય ત્યારે એક યુવક ૧૫ દિવસથી તેનો પીછો કરતો હતો. શનિવારે જ્યારે યુવતી ઘરે પરત જતી હતી ત્યારે તેને રોકી મોઢા પર સિગારેટનો ધુમાડો ફેંક્યો હતો. આ બાબતે જો કોઈને જાણ કરશે તો એસિડ એટેક કરવાની ધમકી આપી હતી.

                જેથી યુવતી ગભરાઈ ઘરે જતી રહી હતી અને માતા-પિતાને વાત કરી હતી. ટંકશાળ રોડ પર યુવક ઉભો હતો જેથી પરિવારના સભ્યો ત્યાં ગયા હતા. યુવતીની માતાએ યુવકને કહ્યું હતું કે કેમ મારી છોકરીનો પીછો કરે છે. ત્યારે યુવકે ગાળાગાળી કરી તેની માતાને માર મારવા લાગ્યો હતો. બાદમાં ભાગવા જતા તેને પકડી લીધો હતો. હું સલીમચંદનો ભાઈ છું કાલુપુર પોલીસ સ્ટેશનમાં સેટીંગ છે મેં મારું કઇ નહીં બગાડી શકો તેમ કહ્યું હતું. મહિલાએ પોલીસને જાણ કરતા કાલુપુર પોલીસ ઘટનાસ્થળે પહોંચી અને આરોપી યુવકને પકડી પોલીસ સ્ટેશન લઇ જઇ પૂછપરછ કરતા તેનું નામ આરીફ મન્સૂરી કહ્યું હતું. પોલીસે આરોપીની અટકાયત કરી પોલીસે આ મામલે વધુ તપાસ શરૂ કરી છે.

(7:23 pm IST)
  • બિહારમાં ભાજપને જેડીયુ કરતા વધુ સીટ મળે તો પણ મુખ્યમંત્રી નીતીશકુમાર જ બનશે : હોમ મિનિસ્ટર તથા ભાજપ પૂર્વ અધ્યક્ષ અમિત શાહની સ્પષ્ટતા access_time 8:06 pm IST

  • અબડાસા પેટા ચૂંટણી ફોર્મ ચકાસણીનું કાર્ય પૂર્ણ.:32 ફોર્મ માંથી 7 ફોર્મ રદ્દ થયા:ઉમેદવારોના 25 ફોર્મ માન્ય :હાલ સુધીના ચિત્ર પ્રમાણે 19 ઉમેદવારો વચ્ચે ખેલાશે ચૂંટણીનો જંગ: હજી ઉમેદવારી પત્ર પાછા ખેંચનાવાનું બાકી... access_time 6:15 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST