Gujarati News

Gujarati News

News of Sunday, 18th October 2020

લિંબાયતના ગોડાદરા ગામની પરિણીતા પર વારંવાર દુષ્કર્મ

ભાગીદારના મિત્રએ પણ શારિરીક અડપલા કર્યા : ભાગીદારે પરિણીતાને તેના ભાઈને ધંધામાંથી કાઢી મુકવાની ધમકી આપી મજબુરીનો ફાયદો ઉઠાવી બળાત્કાર ગુજાર્યો

સુરત,તા.૧૮ : શહેરમાં દુષ્કર્મની ઘટનાઓ સતત વધી રહી હોય તેમ લાગી રહ્યું છે, કોઈ હવસખોર ધાક ધમકી, તો કોઈ બ્લેક મેઈલ કરી અથવા લાલચ આપી યુવતીનો ફાયદો ઉઠાવી દુષ્કર્મની ઘટનાને અંજામ આપી રહ્યા છે. સુરતમાં આજે એક પરિણીતાનો એવો કરૂણ કિસ્સો સામે આવ્યો છે, જેમાં ભાઈને ભાગીદારીમાંથી છૂંટો કરી દેવાની ધમકી આપી બહેનને બ્લેક મેઈલ કરી તેની સાથે વારંવાર દુષ્કર્મ આચવામાં આવ્યું છે. લિંબાયત ગોડાદરા વિસ્તારમાં રહેતી ૨૪ વર્ષીય પરિણીતા ઉપર તેના ભાઈના કાપડ વેપારી ભાગીદારે બળાત્કાર કર્યો છે. ભાગીદારે પરિણીતાને તેના ભાઈને ધંધામાંથી કાઢી મુકવાની ધમકી આપી ડરાવી તેની ઍકલતા અને મજબુરીનો ફાયદો ઉઠાવી અવાર નવાર બળાત્કાર ગુજાર્યો. આટલે જ વાત અટકી નહીં ભાગીદારના મિત્રએ પણ પરિણીતા સાથે શારીરીક અડપલા કર્યા હતા. ત્યારબાદ પરિણીતા તેના તાબે નહી થતા વેપારીઍ તેની સાથે કરેલા શારીરીક સંબંધોની વાત લોકોમાં કરી બદમાન કરી હતી.

            ત્રણ વર્ષ પહેલા બનેલા આ બનાવ અંગે આખરે પરિણીતાએ હિમ્મત કરી ગઈકાલે ફરિયાદ નોંધાવતા પોલીસે નરાધમ વેપારી અને તેના મિત્ર સામે ગુનો દાખલ કરી તપાસ હાથ ધરી છે. લિંબાયત પોલીસ સુત્રોના જણાવ્યા મુજબ, ગોડાદરા વિસ્તારમાં રહેતી ૨૪ વર્ષીય પરિણીતાનો ભાઈ ૨૦૧૭માં ભવાનીશંકર ભોજરાજ મહેશ્વરી (રહે, ભટાર) સાથે કાપડનો ધંધો કરતો હતો. તે દરમિયાન ભવાનીશંકર પરિણીતાના પરિચયમાં આવ્યો હતો. ભવાનીશંકરે પરિણીતા ઉપર દાનત બગાડી હતી, અને તેના ભાઈને કાપડના ધંધામાંથી કાઢી મુકવાની ધમકી આપી ડરાવી અવાર નવાર તેણીના ઘરે આવી બળજબરી પુર્વક બળાત્કાર કર્યો હતો. આટલેથી નરાધમ વેપારી ના અટક્યો, તેના મિત્રઍ પણ પરિણીતા સાથે શારીરીક અડપલા પણ કર્યા હતા. ત્યારબાદ પરિણીતા તેના તાબે નહી થતા ભવાનીશંકરે તેની સાથે બાંધેલા શારીરિક સંબંધો અંગે લોકોને વાત કરી પરિણીતા અને તેના પરિવારને બદનામ કરવાનું શરૂ કરી દીધુ હતું. આખરે પરિણીતાએ પોલીસને જાણ કરતા પોલીસે પરિણીતાની ફરિયાદ લઈ ભવાનીશંકર અને તેના મિત્ર સામે ગુનો દાખલ કરી તપાસ હાથ ધરી છે.

(9:25 pm IST)
  • દમણ પ્રશાસને ગરબાની આપી મંજૂરી: ગરબા ખેલૈયાઓ માટે આનંદના સમાચાર: મંજુરી બાદ દમણ માં થઈ શકશો ગરબા access_time 6:14 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST

  • આસામના તમામ સરકારી મદ્રેસા સ્કૂલોમાં ફેરવાશે : પ્રાઇવેટ મદ્રેસાને કોઈ અસર નહીં થાય : મદ્રેસા બંધ કરવા મામલે થયેલી બબાલ બાદ શિક્ષણ મંત્રી હેમંત બિસવાની ઘોષણાં access_time 7:25 pm IST