Gujarati News

Gujarati News

News of Monday, 18th January 2021

નર્મદા પોલીસ તથા આરટીઓના સંયુકત ઉપક્રમે 32 માં રાષ્ટ્રીય માર્ગ સલામતી માસની ઉજવણીના ભાગરૂપે રેલી યોજાઈ

(ભરત શાહ દ્વારા) રાજપીપળા : તા.18 જાન્યુઆરીથી તા.17 ફેબ્રુઆરી દરમિયાન એક મહિના દરમિયાન નર્મદા જિલ્લા પોલીસ તથા સહાયક પ્રાદેશિક વાહન વ્યવહાર કચેરીના સંયુકત ઉપક્રમે 32 માં રાષ્ટ્રીય માર્ગ સલામતી માસની ઉજવણી કાર્યક્મ ની આજથી શરૂઆત થઈ જેમાં પહેલા દિવસે રાજપીપળા સૂર્ય દરવાજા ખાતેથી એક જાગૃતિ રેલીનું આયોજન કરવામાં આવ્યું હતું આ રેલીને ડીવાયએસપી રાજેશ પરમાર, આર ટી ઓ વી.ડી.આસલ ટ્રાફિક પીએસઆઇ ગલચર સહિતઓ એ લીલી ઝડી આપી રેલીનું પ્રસ્થાન કરાવ્યું હતું.રેલી માં જોડાયેલા પોલીસ,ટ્રાફિક બ્રિગેડ સહિતના કર્મીઓ હાથમાં જાગૃતિના બેનરો સાથે શહેરના મુખ્ય માર્ગ પર રેલીમાં ફર્યા હતા ત્યારબાદ ટાઉન હોલ ખાતે તેનું સમાપન થયું હતું જ્યાં ટાઉનહોલમાં એક જાગૃતિ કાર્યક્રમ રાખવામાં આવ્યો જેમાં નર્મદા પોલીસ વડા હિમકરસિંહ, આરટીઓ અધિકારીઓ,પોલીસ સ્ટાફ, ટ્રાફિક બ્રિગેડ સ્ટાફ સહિતના મોટી સંખ્યામાં લોકો ઉપસ્થિત રહ્યા હતા.

(12:36 am IST)
  • પંચાયતોના આરોગ્‍ય કર્મચારીઓ ફરજ પર હાજર ન થાય તો કડક પગલા : વોરંટ, સસ્‍પેન્‍ડ સુધીના પગલાની સરકારની તૈયારી : વધુ સંઘર્ષ કે સમાધાન ? બપોરે કર્મચારી મહાસંઘની બેઠકમાં હડતાલ અંગે ફેંસલો access_time 11:44 am IST

  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST