Gujarati News

Gujarati News

News of Saturday, 21st November 2020

અમદાવાદમાં કર્ફયુના પગલે અમદાવાદ-વડોદરા એકસપ્રેસ હાઈવે બંધ કરાયાની સોશ્યલ મિડીયામાં અફવા ઉડી

અમદાવાદ : અમદાવાદમાં કરફ્યૂને પગલે શહેર સાવ શાંત થઈ ગયું છે. શહેરમાં ચારેતરફ પોલીસનો ચુસ્ત બંદોબસ્ત ખડકી દેવાયો છે. દુકાનોથી લઈને મોલ, મલ્ટીપ્લેક્સ, મંદિરોને પણ તાળા વાગી ગયા છે. કેટલા વિસ્તારોની હાલત એવી છે કે ત્યાં ચકલા પણ ફરકી નથી રહ્યાં. તો રેલવે સ્ટેશન અને એરપોર્ટના મુસાફરો સિવાય ક્યાંય કોઈ લોકો નજરે આવી નથી રહ્યાં. આવામાં કેટલીક અફવાઓએ જોર પકડ્યું છે. અમદાવાદ-વડોદરા એક્સપ્રેસ હાઇવે બંધ કરાયાના મેસેજ સોશિયલ મીડિયા પર વાયરલ થયો છે.

અમદાવાદ-વડોદરા એક્સપ્રેસ હાઈવે બંધ થયાના વાયરલ મેસેજ મામલે તપાસ કરતા આ વાયરલ મેસેજ સંપૂર્ણ ખોટો સાબિત થયો. એક્સપ્રેસ હાઈવે રાબેતા મુજબ જ ખુલ્લો છે. હાઈવે પર વાહનોની પણ અવરજવર પણ થઈ રહી છે. ટોલ બૂથ સ્ટાફ પણ રાબેતા મુજબ ઉપસ્થિત છે. જોકે, અમદાવાદમાં કરફ્યુના પગલે ફક્ત વાહનોની સંખ્યામાં ઘટાડો જોવા મળ્યો છે. 

શહેરના એસજી હાઈવે, આશ્રમ રોડ, લાલ દરવાજા, કાલુપુર, બાપુનગર, નરોડા, સરખેજ, રિંગ રોડ, નેશનલ હાઈવેને કનેક્ટેડ રોડ, શાહપુર, અસારવા, સાબરમતી, ચાંદખેડા એમ તમામ જગ્યાએ પોલીસનો ચૂસ્ત બંદોબસ્ત છે.

(5:29 pm IST)
  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST

  • ડ્રગ્સ કેસમાં લોકપ્રિય કોમેડિયન ભારતી સિંહની ધરપકડ : તેના પતિ હર્ષએ પણ ગાંજાનું સેવન કરતો હોવાની કબૂલાત કરી : 86.5 ગ્રામ ગાંજો ઝડપાયો : પૂછપરછ ચાલુ access_time 8:17 pm IST

  • અરવલ્લી જિલ્લાનું ધનસુરા 48 કલાકમાં 30થી વધુ કેસ આવતા 23 નવેમ્બર સુધી જનતા કરફયુ : આજથી સજ્જડ બંધ રહેશે access_time 11:20 pm IST