Gujarati News

Gujarati News

News of Friday, 22nd January 2021

રાજ્યના આઠ જિલ્લામાં ૯૮૭ હેક્ટરમાં નવી GIDCની જાહેરાત કરતા વિજયભાઈ રૂપાણી

નવી GIDC ના નિર્માણથી ૨૦,૦૦૦ થી વધુ નવી રોજગારી ઉપલબ્ધ થશે

અમદાવાદ :ગુજરાતમાં આઠ જિલ્લામાં ૯૮૭ હેક્ટરમાં નવી ઔદ્યોગિક વસાહતો (GIDC) સ્થાપવાની સરકાર દ્વારા જાહેરાત કરવામાં આવી છે .આ ૮ વસાહતોમાં મોરબી ખાતે આશરે ૫૦૦ હેક્ટર વિસ્તારમાં બનનાર નવિન વસાહત તમામ અદ્યતન માળખાકીય તેમજ આનુસાંગિક સુવિધાઓથી સુસજ્જ એક મોડલ એસ્ટેટ બનશે તેમજ દહેજ , સાયખા , અંક્લેશ્વર , હાલોલ , સાણંદ , વાપી અને લોધિકાની હયાત વસાહતોને પણ તમામ મૂળભુત અને હાઈટેક સુવિધાઓ સાથે વિકસાવી મોડલ એસ્ટેટ બનાવાશે.

રાજ્યની હયાત ૯ ઔદ્યોગિક વસાહતોમાં મલ્ટીસ્ટોરી શેટ્સ - બહુમાળી શેડ બનાવવામાં આવશે . રાજ્યના પાંચ જિલ્લા વલસાડ , સુરત , ભરૂચ , વડોદરા અને અમદાવાદમાં ૩૬૦ નવા બહુમાળી શેડ નિર્માણ પામશે .

નવી જી.આઇ.ડી.સી. વસાહતો માં જલોત્રા - બનાસકાંઠાનો માર્બલ કટીંગ પોલીશીંગ ઉદ્યોગ શેખપાટ - જામનગરનો બ્રાસ ઉદ્યોગ , મોરબીના સિરામિક ઉદ્યોગ , કડજોદરા ગાંધીનગરના ફૂડ એગ્રો ઉદ્યોગ , પાટણનો ઓટો ઍસિલરી ઉદ્યોગ , નાગલપર રાજકોટનો મેડિકલ ડિવાઇસ ઉદ્યોગ , આણંદ અને મહીસાગરના ઇજનેરી ઉદ્યોગોને લાભ થશે , આ નવી જી.આઇ.ડી.સી. વસાહતોથી એમ.એસ.એમ ઇ . સેક્ટરને ૫૦૦ થી ૨૦૦૦ ચોરસ મીટરના ર ૫૩0 પ્લોટ અને મોટા ઉદ્યોગોને ૧૦ હજારથી પ ૦ હજાર ચોરસ મીટરના ૩૩૭ પ્લોટ ઉપલબ્ધ થશે . નવી GIDC ના નિર્માણથી ૨૦,૦૦૦ થી વધુ નવી રોજગારી ઉપલબ્ધ થશે

(1:20 pm IST)