Gujarati News

(કાર્તિક બાવીશી દ્વારા ) વલસાડ રૂરલ પોલીસને 3 વર્ષથી ચકમો આપી ભાગતા ફરતા દારૂના ગુનાના આરોપીને એસઓજીની ટીમે ઝબ્બે કરી જેલના સળિયા પાછળ ધકેલી દીધો છે. વલસાડ જિલ્લા પોલીસ વડા રાજદિપ સિંહ ઝાલાની સૂચના અને માર્ગદર્શન મુજબ એસઓજી પીઆઇ વી. બી. બારડે  તેમની ટીમના દિપકસિંહ, કેતન, હસમુખભાઇ વગેરે સાથે બાતમીના આધારે ગણદેવા ગામે વોચ ગોઠવી હતી. આ વોચમાં તેમણે મૂળ સૂરત અને હાલ ગણેવા ગામ નવસારીમાં રહેતા ભાણા ઉર્ફે કલ્પેશ ઉર્ફે જયેશ સંતોષ રાઠોડને પકડી પાડ્યો હતો. તેના વિરૂદ્ધ વલસાડ રૂરલમાં દારૂનો ગુનો દાખલ થયો હોય, તેને વલસાડ રૂરલ પોલીસને સુપ્રત કર્યો હતો.