Gujarati News

Gujarati News

News of Sunday, 22nd November 2020

નાના ભાઈ સાથે ચોર પોલીસ રમતા ટાબરીયાની એક હરકતથી અસલી પોલીસે કર્ફ્યુમાં દોડવું પડ્યું

સાબરમતીમાં રમતા ટાબરિયાએ ધંધે લગાડી: પોલીસે બે કલાકની દોડધામ બાદ રાહતનો દમ લીધો

અમદાવાદ : અમદાવાદના સાબરમતીમાં નાના ભાઈ સાથે ચોર પોલીસ રમતા 11 વર્ષના ટાબરીયાની એક હરકતથી અસલી પોલીસ કરફ્યુમાં દોડતી થઈ હતી. જો કે શહેર પોલીસે બે કલાકની દોડધામ બાદ રાહતનો દમ લીધો હતો. ભાઈ સાથે ચોર પોલીસ રમતા ટાબરીયાએ પોલીસ કંટ્રોલમાં ફોન કરી ધરમનગરમાં ફાયરિંગ થયાનો અને એક વ્યક્તિને ગોળી વાગ્યાનો મેસેજ કર્યો હતો. કરફ્યુમાં ફાયરિંગનો મેસેજ સાંભળી ઉચ્ચ આઈપીએસ અધિકારીઓ સહિતનો કાફલો દોડતો થયો હતો. પોલીસ તપાસમાં ટાબરીયાએ મજાકમાં ફોન કર્યાનો ખુલાસો થતા પોલીસે હાશકારો અનુભવ્યો હતો.

સાબરમતીના ધરમનગરમાં ફાયરિંગ થયાનો અને એક વ્યક્તિને ગોળી વાગ્યાનો મેસેજ પોલીસ કંટ્રોલરૂમને બપોરે 3.45 વાગ્યાની આસપાસ મળ્યો હતો. પોલીસ કંટ્રોલરૂમએ મેસેજ સાબરમતી પોલીસને પાસ કર્યો હતો.

કરફ્યુમાં ફાયરિંગનો મેસેજ સાંભળી ઝોન 2 ડીસીપી વિજય પટેલ અને સાબરમતી પીઆઈ આર.એચ.વાળા પણ ચોંકી ગયા હતા. ધરમનગરમાં જઈ પોલીસે તપાસ કરી તો આવી કોઈ ઘટના ન બન્યાનું સ્થાનિકોએ જણાવ્યું હતું. પોલીસે ફોન જે નંબરવપરથી આવ્યો તે મોબાઈલ ધારકનું ઘર શોધ્યું હતું.

પોલીસ તપાસમાં મોબાઈલ ધારક સોના ચાંદીના વેપારી હોવાની વિગત ખુલી હતી. પોલીસે ઘરે જઈ તપાસ કરતા વિગતો મળી કે, જ્વેલર્સ શોપના માલિકના 11 અને  7 વર્ષના બે પુત્રો બપોરે પરિવારના સભ્યો સુઈ ગયા હતા. તે સમયે ચોર-પોલીસની રમત રમતા હતા. તે સમયે વેપારીના મોટા પુત્રે તેના દાદીનો મોબાઈલ ફોન લઈ પોલીસ કંટ્રોલ રૂમમાં ફોન કરી ધરમનગરમાં ફાયરિંગ થયાનો અને એક વ્યક્તિને ગોળી વાગ્યાનો મેસેજ રમત રમતમાં કર્યો હતો. પોલીસે આ મામલે કંટ્રોલરૂમને મેસેજ ખોટો હોવાનો જવાબ આપી એન્ટ્રી કરી હતી. ફોન કરનાર સગીર હોવાથી પોલીસે કોઈ કાર્યવાહી કરી ન હતી.

(11:04 pm IST)
  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • ટ્વિટર ઉપર આરબીઆઇના દસ લાખ ફોલોઅર થયા: રિઝર્વ બેંક ઓફ ઇન્ડિયા હવે 1 મિલિયન ટ્વિટર ફોલોઅર્સ સુધી પહોંચી ચુકી છે; વૈશ્વિક સ્તરે આ માઇલસ્ટોન ઉપર પહોંચનાર રિઝર્વ બેન્ક ઓફ ઇન્ડિયા પ્રથમ સેન્ટ્રલ બેંક બની છે. access_time 4:57 pm IST

  • રાજસ્થાનમાં માસ્ક નહીં પહેરો તો હવે ૫૦૦નો દંડ : 9 જિલ્લામાં કફર્યુ : કોરોના કેસોનો રાફડો ફાટતા રાજસ્થાન કેબિનેટે 8 જિલ્લામાં નાઇટ કર્ફ્યુ લાદવાનો નિર્ણય કર્યો છે અને ફેસ માસ્ક ન પહેરવા પર દંડની રકમ 200 રૂપિયાથી વધારીને 500 કરી દીધી છે. રાજસ્થાનમાં પણ અચાનક કોરોના હાહાકાર વર્તાવી રહેલ છે. access_time 3:23 pm IST