Gujarati News

Gujarati News

News of Sunday, 22nd November 2020

ધનસુરાના ખડોલના સરપંચ કોરોના સામે જંગ હાર્યા ગાંધીનગરમાં સારવાર દરમિયાન નિધન

ગામના સરપંચ અને ભરવાડ સમાજના અગ્રણી ભલાભાઈ કોરોના સંક્રમિત થતા ગાંધીનગર હોસ્પિટલે ખસેડાયા હતા : જીલ્લામાં એક જ દિવસમાં બે લોક નેતાને કોરોના કાળનો ભોગ બનતાપંથકમાં શોકની લાગણી

ધનસુરા તાલુકાના ખડોલ ગામના સરપંચનું પણ ગાંધીનગર સારવાર દરમિયાન મોત નિપજતા સમગ્ર પંથકમાં ફફડાટ ફેલાયો છે. બાયડ તાલુકાના ગાબટ ગામના અને જીલ્લા ભાજપ મહામંત્રી ધીમંત પટેલ કોરોનાગ્રસ્ત થતા અમદાવાદ સારવાર અર્થે ખસેડાયા હતા. દોઢ મહિના સુધી કોરોના સામે ઝઝૂમ્યા બાદ આખરે કોરોના સામે જંગ હારી જતા મોતને ભેટ્યા હતા. થોડા દિવસ અગાઉ ભાજપના જીલ્લા મંત્રી ગજાનંદ પ્રજાપતી બાદ મહામંત્રી ધીમંત પટેલને કોરોના ભરખી જતા ટૂંક સમયમાં ભાજપ સંગઠને વધુ એક નેતા ગુમાવી ચૂક્યું છે. ધીમંત પટેલ સેવાકીય કાર્યોમાં પણ અગ્રેસર રહેતા બાયડ પંથકના લોકોએ એક ઉમદા નેતા ગુમાવ્યા હોવાનો અહેસાસ અનુભવી રહ્યા છે.

ધનસુરા તાલુકાના ખડોલ ગામના સરપંચ અને ભરવાડ સમાજના અગ્રણી ભલાભાઈ એક સપ્તાહ અગાઉ કોરોનામાં સપડાતા પરિવારજનોએ સારવાર અર્થે ગાંધીનગર દવાખાને ખસેડ્યા હતા. એક સપ્તાહની સઘન સારવાર કારગત ન નીવડતા રવિવારે ભલાભાઈ ભરવાડનું કોરોનાથી નિધન થતા ખડોલ ગામ સહીત ધનસુરા પંથકમાં ભારે શોકની લાગણી છવાઈ હતી. જીલ્લામાં એક જ દિવસમાં બે લોક નેતાને કોરોના કાળનો ભોગ બનતા લોકો ચિંતામાં ગરકાવ થઇ ગયા છે.

(6:46 pm IST)
  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST

  • કોરોનાનું હોટસ્પોટ બની ગયેલા ભુજમાં કોરોના સંક્રમણ અટકાવવા માટે તંત્ર એક્શનમાં મોડમાં : ભુજ શહેર અને તાલુકામાં કોવિડ ગાઈડલાઈનની અમલવારી માટે ટિમોની રચના :ભુજના 12 વોર્ડ માટે 4 અને તાલુકા માટે બે ટીમોની થઈ રચના:મદદનીશ કલેક્ટર અને ભુજ પ્રાંત અધિકારી મનીષ ગુરવાણીએ કર્યો હુકમ access_time 11:19 pm IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST