Gujarati News

Gujarati News

News of Thursday, 24th September 2020

સુરત ઓપરેશનગૃપે વાપીમાંથી ફરસાણની આડમાં લઇ જવાતો 2.4 લાખનો દારૂ પકડ્યો: બે ઝડપાયા

સુરત રેન્જ આઈજી રાજકુમાર પાંડિયન બુટલેગરો પર તવાઈ લાવશે

(કાર્તિક બાવીશી દ્વારા ) વલસાડ : દમણથી વ્યાપક પ્રમાણમાં થતી દારૂની હેરાફેરી અટકાવવા માટે સુરત રેન્જ આઇજીના સ્પેશ્યલ ઓપરેશન ગૃપે વાપીના ચલા વિસ્તારમાં નાકાબંધી કરી એક છોટા હાથી ટેમ્પો ઝડપી પાડ્યો હતો. જેમાંથી તેમણે  ફરસાણની આડમાં છૂપાવેલા રૂ. 2.4 લાખના દારૂ સાથે બેને પકડી પાડ્યા હતા. જ્યારે દારૂ ભરાવનારા વાપીના સુનિલ મરાઠી અને તેના સાગરિતને તેમજ માલ મંગાવનાર આસિફ માંજરો અને તેના સાગરિતને વોન્ટેડ જાહેર કર્યા છે.

સુરત સ્પેશ્યલ ઓપરેશન ગૃપના સ્ટાફે બાતમીના પગલે વાપી ચલા મુક્તાનંદ માર્ગ પર નાકાબંધી હાથ ધરી હતી. એ દરમિયાન ત્યાંથી પસાર થતા છોટા હાથી ટેમ્પો નં. GJ-15-XX-4743 ને અટકાવી તેની જડતી લીધી હતી. જેમાંથી તેમને દારૂની 300 બોટલો મળી આવી હતી. જેની કિંમત રૂ. 2.4 લાખ થવા જાય છે. આ દારૂ સાથે તેમણે ટેમ્પામાંથી રૂ. 5 હજારની કિંમતના ફરસાણના પેકેટ પણ મળી આવ્યા હતા. જેની નીચે દારૂ છૂપાવેલો હતો. આ દારૂ સાથે પોલીસે ટેમ્પો ચાલક વાપી ખોજા સોસાયટીમાં રહેતા સાદીક કમરૂદ્દીન જમાણી અને કરીમ તાજુદ્દીન ખેતાનીને પકડી પાડ્યા હતા. તેમની કડક પુછતાછ કરતા જણાવ્યું કે, આદારૂ વાપીના સુનિલ મરાઠી અને તેના સાગરીતે ભરાવ્યો હતો. જેને સુરતના આસિફ માંજરાએ મંગાવ્યો હતો. જેના પગલે પોલીસે સુનિલ મરાઠી અને આસિફ માંજરા સહિત બેને વોન્ટેડ જાહેર કર્યા છે.

(1:12 pm IST)
  • જમ્મુ કશ્મીર : બડગામના ચડોરા વિસ્તારમાં આતંકવાદીઓએ સીઆરપીએફ પાર્ટી પર હુમલો કર્યો : એક સીઆરપીએફ જવાન શહીદ : આતંકીઓ સીઆરપીએફ જવાનની સર્વિસ રાઇફિલ લઇને નાસી ગયા : આતંકીઓને શોધવા સેના દ્વારા સર્ચ ઓપરેશન શરૂ કરાયું access_time 9:47 am IST

  • સુશાંતસિંહ રાજપૂત કેસ : બોલીબુડમાં હળકંપ : સુશાંતસિંહ રાજપૂતની ભૂતપૂર્વ ટેલેન્ટ મેનેજર, જયા સહા, જેમને નાર્કોટિક્સ કંટ્રોલ બ્યુરો દ્વારા બોલીવુડમાં કથિત ડ્રગ્સ નેક્સસ સાથે જોડાણ અંગે પૂછપરછ કરવામાં આવી રહી છે, તેની પૂછતાજમાં વધુ 4 મોટા ગજાના એ-લિસ્ટર હીરોના નામ જણાવ્યા છે તેમ આધારભૂત સૂત્રોમથી જાણવા મળે છે. ટૂંક સમયમાં NCB આ એક્ટરોને પૂછપરજ માટે બોલાવી શકે છે access_time 9:48 am IST

  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST