Gujarati News

Gujarati News

News of Tuesday, 24th November 2020

વલસાડ એલસીબીએ પારડીથી રૂ. 33 હજારના દારૂ સાથે કાર ઝડપી પાડી

ભાવનગરના અશોક ભીખા માણીયા અને રાજકોટના હાર્દિક પ્રેમજી ગેવરિયાને પકડી પાડ્યા: એક વોન્ટેડ જાહેર

(કાર્તિક બાવીશી દ્વારા )વલસાડ એલસીબીએ પારડી પોલીસ સ્ટેશન વિસ્તારના પરિયારોડ પરથી એક કાર અટકાવી તેમાંથી રૂ. 33 હજારનો દારૂનો જથ્થો પકડી પાડ્યો છે. તેમજ કારમાં સવાર બે આરોપીઓને પણ પકડી પાડ્યો છે. વલસાડ ડીએસપી રાજદિપસિંહ ઝાલાના માર્ગદર્શન મુજબ એલસીબી પીઆઇ ડી. ટી. ગામિતની આગેવાનીમાં હેડ કોન્સ્ટેબલ વિજય માધવરાવ, કોન્સ્ટેબલો મહેન્દ્રદાન ઝીલુભા, રીતેશ ચીમનભાઇ, હરદેવસિંહ રણજીતસિંહે બાતમીના પગલે પરિયા રોડ પર નાકાબંધી હાથ ધરી હતી. આ નાકાબંધીમાં તેમણે પરિયા રોડ પરથી પસાર થતી એક કાર નં. GJ01HR2034 ને અટકાવી તેની જડતી લીધી હતી. જેમાંથી તેમને દારૂની 30 બોટલ કિં. રૂ. 33 હજારની મત્તાની મળી આવી હતી. જેના પગલે પોલીસે કારમા સવાર ભાવનગરના અશોક ભીખા માણીયા અને રાજકોટના હાર્દિક પ્રેમજી ગેવરિયાને પકડી પાડ્યા હતા. જ્યારે તેમણે એક આરોપીને વોન્ટેડ જાહેર કર્યો હતો.

(1:12 pm IST)
  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST