Gujarati News

Gujarati News

News of Tuesday, 24th November 2020

કપડવંજ તાલુકામાંથી પસાર થતી નર્મદા કેનાલમાં ગાબડું પડતા ખેડૂતોને હાલાકી

કપડવંજ:તાલુકામાં આવેલી ખેડૂતો માટેની આશિર્વાદરૂપ નર્મદા નહેર હાલ ખેડૂતો માટે અભિશાપ બની હોવાનું દેખાઇ રહ્યું છે. કપડવંજ તાલુકાની નર્મદાની મુખ્ય નહેરમાં ગાબડુ પડેલું દ્રશ્યમાન થઇ રહ્યું છે. આ ઉપરાંત સુકીભઠ પેટા કેનાલ  અને સબ કેનાલમાંથી માઇનોર કેનાલ તુટેલી જોવા મળી રહી છે.

આમ, નર્મદા વિભાગની જોહુકમીનો ભોગ તાલુકાના સાલોડ, લીલવા,દહીઅપ,જરમાળા તરફથી કઠલાલ જતી નહેરના લાભાર્થી ખેડુતો ભોગવી રહ્યા હોવાનું ધરતીપુત્રો આક્ષેપ કરી રહ્યા છે.

આ ઉપરાંત આ નર્મદા કેનાલમાં પાણી નિયમિત મળતું ન હોવાનુ પણ સ્થાનિક નાગરિકો જણાવી રહ્યા છે.કેટલીક માઇનોર કેનાલમાં તો એક ટીપુ પાણી આવતુ નથી. જ્યારે દાણા થી લીલવા- જરમાળા તરફના સ્થાનિક ખેડુતોએ કેનાલમાં પાણીની અનિયમિતતાના કારણે ડાંગર વાવવાનુ જ બંધ કરી દીધુ છે. આ વિસ્તારના ખેડૂતોએ સંબંધિત વિભાગના અધિકારીઓ પર આક્ષેપ કરતા જણાવ્યુ હતુ કે અધિકારીઓ વ્હાલા દવલાની નીતિ અપનાવતા હોય તેવો ઘાટ જોવા મળી રહ્યો છે.

(5:04 pm IST)
  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST

  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST

  • પાક.નો બેટસમેન ફખર ઝમાન ન્યુઝીલેન્ડની ટૂરમાંથી આઉટ : લાહોર : પાકિસ્તાનના બેટસમેન ફખર ઝમાનને તાવ આવતા તે ન્યુઝીલેન્ડના પ્રવાસમાંથી બહાર થઇ ગયો છે. ન્યુઝીલેન્ડ અને પાકિસ્તાન વચ્ચે ૧૮ ડીસેમ્બરથી ત્રણ ટી-ર૦ અને બે ટેસ્ટ મેચોની સીરીઝ રમાનાર છે. access_time 2:35 pm IST