Gujarati News

Gujarati News

News of Friday, 25th September 2020

ઇમરાનખેડાવાલાનો એન્ટીજન ટેસ્ટ કોર્પોરેશને અમાન્ય રાખ્યો

પાલડી ખાતે અમપાની સભા યોજાઈ

ગાંધીનગર,તા.૨૫ : કોવિડ ૧૯ના કારણે પાંચેક મહિના બાદ આજે અમદાવાદ મ્યુનિ. કોર્પોરેશન ની માસિક સામાન્ય સભા ટાગોર હોલ પાલડી ખાતે યોજાઇ હતી. આ બેઠકમાં જમાલપુર મત વિસ્તારના ધારાસભ્ય ઇમરાન ખેડાવાલાને મેયર બિજલબેન પટેલે કોરોના રિપોર્ટના એન્ટીજન ટેસ્ટને અમાન્ય ગણીને બહાર કાઢ્યા હતાં. આ અંગે ઇમરાન ખેડાવાલાએ ટ્વિટ કર્યું કે, "મેયરની તાનાશાહી છે. તેમને મને સભામાં બેસવા દીધો નહીં. આ કોરોના રિપોર્ટ ગુજરાત સરકાર માન્ય રાખે તો અમદાવાદ મ્યુનિ. કોર્પોરેશનના મેયર કેમ માન્ય ના રાખે? મને એ સમજાતું નથી કે ગુજરાતના મુખ્યમંત્રી કરતાં પણ મેયર ઉપર છે.

            કોરોનાના કારણે છેલ્લાં પાંચેક મહિનાથી માસિક સામાન્ય સભા ઓનલાઇન યોજાતી હતી. પરંતુ બે દિવસ પહેલાં આ સભા ટાગોર હોલ પાલડી ખાતે યોજવાનું જાહેર કરાયું હતું. આ બેઠકને લઇને તમામ કાઉન્સિલરોને તેમના કોરોના ટેસ્ટ કરાવવા માટેની સૂચના જારી કરી હતી. ત્યારે ૨૩-૨૪ સપ્ટેમ્બરના રોજ ટાગોર હોલ ખાતે કોરોનાના ટેસ્ટ કરવામાં આવ્યાં હતાં. જેમાં નેગેટિવ રિપોર્ટ ધરાવનારા કાઉન્સિલરે જ બેઠકમાં હાજરી આપવાની રહેશે. જ્યારે પોઝિટિવ રિપોર્ટ ધરાવનારી વ્યક્તિએ માત્ર ઓનલાઇન બેઠકમાં હાજરી આપવાની રહેશે.

(9:35 pm IST)
  • ડ્રગ્સ કેસઃ એનસીબી સમક્ષ હાજર થઇ રકુલઃ મુંબઇમાં દરોડો : આજે અભિનેત્રી રકુલ પ્રિત પહોંચી છે એનસીબીની કચેરીએઃ પુછપરછ શરૃઃ દરમ્યાન મુંબઇમાં ૩ સ્થળે નારકોટીકસ બ્યુરોએ દરોડા પાડયા હોવાનું જાણવા મળે છે access_time 11:32 am IST

  • જમ્મુ કાશ્મીરમાં લશ્કર-એ-તૈયબાના બે આતંકી ઠારઃ ઓપરેશન શરૂ : જમ્મુ-કાશ્મીરના અનંતનાગ ખાતે આંતકીઓ સાથેની અથડામણમાં લશ્કર-એ-તૈયબાના બે આતંકી ઠાર મરાયા છે. સુરક્ષાદળોનું ઓપરેશન ચાલુ છે. access_time 11:29 am IST

  • દિલ્હીના મુખ્યમંત્રી અરવિંદ કેજરીવાલને અશ્લીલ ગીત ગાઈ રહેલા બતાવતો " ફેક " વિડિઓ વાઇરલ : 12 ફેબ્રુઆરીના રોજ દિલ્હી વિધાનસભાની ચૂંટણીમાં પોતાની પાર્ટી વિજેતા થતા અશ્લીલ ગીત ગાતા બતાવ્યા : દિલ્હી કોર્ટમાં દાવો દાખલ : મેટ્રોપોલિટન મેજિસ્ટ્રેટે પશ્ચિમ વિહાર પોલીસને એફ.આઈ .આર.દાખલ કરી રિપોર્ટ આપવાનો આદેશ કર્યો access_time 7:45 pm IST