Gujarati News

Gujarati News

News of Saturday, 27th February 2021

રાજયમાં ખાતર કંપનીઓ દ્વારા ખાતરના ભાવમાં વધારો નથી થયોઃ આર.સી.ફળદુ-જયેશ રાદડિયા

કોંગ્રેસ પ્રેરિત ભ્રમિત કરવાની વાતમાં ખેડૂતોને ન આવવા અપીલ

રાજકોટ-ધોરાજી, તા. ર૭ :  રાજયનાં પુરવઠા મંત્રી જયેશ રાદડિયા અને કૃષિમંત્રી આર.સી. ફળદુએ જણાવ્યું છે કે, રાજયમાં વેચાણ કરતી ખાતર કંપનીઓ દ્વારા ડી.એ.પી. તથા એન. પી.કે. ખાતરોમાં કોઇ જ ભાવ વધારો કરવામાં આવ્યો નથી. ડી.એ.પી. અને એન.પી.કે. ખાતરમાં તા. ૧ માર્ચ-ર૦ર૧ થી ભાવ વધારો કરવામાં આવનાર છે. એ સંદર્ભે ટીવી ચેનલોમાં પ્રસારીત થયેલ સમાચારો કોંગ્રેસ પ્રેરિત અને ખેડૂતોને ગેરમાર્ગે દોરનારા છે. સ્થાનિક સ્વરાજયની ચુંટણીઓમાં હાર ભાળી ગયેલ કોંગ્રેસ ખેડૂતોને ગેરમાર્ગે દોરનારા છે. સ્થાનિક સ્વરાજયની ચૂંટણીઓમાં હાર ભાળી ગયેલ કોંગ્રેસ ખેડૂતોને ભ્રમિત કરવાનું બંધ કરે ખેડૂતોના નામે રાજનીતિ કરવી એ અમારી માનસિકતા નથી અને રહેશે પણ નહીં.

મંત્રી શ્રી ફળદુ અને જયેશભાઇ રાદડિયાએ જણાવ્યું છે કે કેટલીક ટીવી ચેનલોમાં ૧-માર્ચ ર૦ર૧થી  ડીએપી ખાતરનો વેચાણ ભાવ રૂ. ૧ર૦૦/ બેગ થી વધી રૂ. ૧પ૦૦ બગ તથા એન.પી.કે. ખાતરના વેચાણ ભાવ રૂ. ૧૧૭પ/ બેગ થી વધી રૂ. ૧૪૦૦/ બેગ થનાર અંગેના સમાચાર પ્રસારીત થયા હતા. જે અનુસંધાને રાજયમાં ખાતર સપ્લાય કરતી વિવિધ મુખ્ય ખાતર કંપનીઓ જેવી કે જી.એસ.એફ.સી.જી.એન. એફ.સી. ઇફકો, કૃભકો તથા અન્ય કંપનીઓ પાસેથી આગામી ૧-માર્ચ ૨૦૨૧થી ભાવ વધારો કરવામાં આવેલ છે કે કેમ ? તે અંગેની જાણકારી મેળવતા રાજ્યમાં વેચાણ કરતી ખાતર કંપનીઓ દ્વાર ડી.એ.પી. તથા એન.પી.કે. ખાતરોમાં કોઈ જ ભાવ વધારો કરવામાં આવ્યો નથી. આ ભાવ વધારો બેંગ્લોરની એક ખાનગી કંપનીઓ દ્વારા એક રાજ્યમા આવેલા હોવાનું જણાયેલ છે. ગુજરાત રાજ્યમાં આ તમામ ખાતરો તેમના જૂના ભાવે જ અને પુરતા પ્રમાણમાં ઉપલબ્ધ છે.

તેમણે ઉમેર્યુ તા. ૨૬-૨-૨૦૨૧ના રોજ કેટલીક ટીવી ચેનલોમાં પ્રસારીત થયેલ ૧ માર્ચ ૨૦૨૧થી ડીએપી તથા એનપીકે ખાતરોમાં ભાવ વધારા બાબતેના સમાચાર રાજયમાં યોજાનાર સ્થાનિક સ્વરાજની ચૂંટણીના સમયે ખેડૂતોને ગેરમાર્ગે દોરવા માટે જ આવા ખોટા સમાચાર કોંગ્રેસ દ્વારા પ્રસારીત કરાવવામાં આવેલ હોવાનું જણાય છે તેમ જયેશ રાદડિયા અને આર.સી. ફળદુએ જણાવ્યુ હતું.

(3:50 pm IST)
  • મહારાષ્ટ્રમાં કોરોનાએ ફૂફાડો માર્યો : સતત ચોથા હજારથી વધારે નવા કેસ નોંધાતા તંત્રમાં દોડધામ : વધુ 51 દર્દીઓનો કોરોનાએ જીવ લીધો :મહારષ્ટ્રમાં કુલ મૃત્યુઆંક 52 હજારને પાર પહોંચ્યો : અનેક જિલ્લામાં કોરોનાએ કાળોકેર વર્તાવ્યો access_time 12:47 am IST

  • દેશમાં કોરોનાના સતત વધતા કેસથી ચિંતા :એક્ટિવ કેસની સંખ્યામાં પણ વધારો : મૃત્યુઆંક 1.57 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 16, 803 કેસ નોંધાયા :કુલ કેસની સંખ્યા 1,10,96,440 થઇ :એક્ટિવ કેસ 1,61,506 થયા: વધુ 11,707 દર્દીઓ સ્વસ્થ થતા કુલ 1,07,73,275 થયા :વધુ 112 લોકોના મોત સાથે કુલ મૃત્યુઆંક 1,57,087 થયા access_time 1:16 am IST

  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST