Gujarati News

Gujarati News

News of Friday, 27th November 2020

દેડીયાપાડાના શીશા જાગઠા ફળિયામાં તંત્રની લાલીયાવાડીના કારણે ગામ લોકોએ જાતે બનાવ્યો રસ્તો

આઝાદી કાળથી ગામ લોકો રસ્તાની સુવિધા માટે ઝંખે છે છતાં રસ્તા જેવી પાયાની સુવિધા ન મળી, અનેક વારની રજુઆતો કરવા છતાં કોઈ પરિણામ ન આવતા જાત મહેનત જીંદબાદથી નિરાકરણ

(ભરત શાહ દ્વારા)રાજપીપળા : નમૅદા જિલ્લાના દેડિયાપાડા તાલુકાના શીશા ગામનાં જાગઠા ફળિયાનાં ગ્રામજનોને આઝાદીના ૭૪ વર્ષ પછી પણ પાકા રસ્તાની સુવિધાનો લાભ ન મળતા રસ્તાનીU મોટી સમસ્યાથી કંટાળી ગયેલા ગ્રામજનોએ જાતે જ પોતાના ગામનો રસ્તો બનાવવાની કામગીરીનું બીડું ઉપાડીને રસ્તો બનાવવાની કામગીરીની શરૂઆત કરી છે.જાત મહેનતનો રસ્તો અપનાવી માર્ગ બનાવવા ગ્રામજનો જોતરાઈ ગયાં છે. પાકા રસ્તાની સુવિધા ન હોવાથી ૧૦૮ જેવી ઈમરજન્સી સેવાઓનો લાભ પણ આ તરફ મળી શકતો નથી તંત્ર દ્વારા રસ્તાની સુવિધા નહીં કરાતાં ગ્રામજનોમાં ભારે રોષ ભભૂકી ઉઠ્યો છે.સરકાર વિકાસ ની વાતો કરે છે પરંતુ નર્મદા જિલ્લાના ઘણા અંતરિયાળ ગામડાઓમાં હજુ સુધી પાણી,રસ્તા,વીજળી જેવી પાયાની સુવિધા પહોંચી નથી જેના કારણે આવા ગામના લોકોમાં ભારે રોષ જોવા મળી રહ્યો છે.

(11:39 pm IST)
  • તેલંગણામાં યોજાનારી મ્યુ.કોર્પોરેશનની ચૂંટણીઓ પહેલા અસદુદીન ઓવેસીની વડાપ્રધાન શ્રી મોદીને ચેલેન્જ : જો તમે બીજેપીને જનતાનું સમર્થન છે તેવું માનતા હો તો મારા સંસદીય મત વિસ્તારમાં આવીને તમારી પાર્ટીનો પ્રચાર કરો : હૈદરાબાદમાં પ્રચાર કરવાથી તમારી પાર્ટી કેટલી સીટ જીતે છે અને મારી પાર્ટીને કેટલી સીટ મળે છે તે જોઈ લેજો : બીજેપીના પ્રચારકો જુઠાણું ફેલાવવા સિવાય બીજું કશું જ કરતા નથી : AIMIM પાર્ટી લીડર તથા હૈદરાબાદના સાંસદ અસદુદીનનો હુંકાર access_time 7:52 pm IST

  • સુરેન્દ્રનગર: ગેબનશાપીર સર્કલ પાસેથી 21 લાખથી વધુની કિંમતનો વિદેશી દારૂનો જથ્થો ઝડપાયો. access_time 1:14 am IST

  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST