Gujarati News

વડોદરા:ગુજરાત મેલ ટ્રેનમાં મુસાફરી કરી રહેલા મુંબઈની નિંદ્રાધીન મહિલાનું રૂ. 17,000ની મત્તા ભરેલું લેડીઝ પર્સ આંચકી ગઠિયો ફરાર થઈ ગયો હતો. બનાવ સંદર્ભે વડોદરા રેલવે પોલીસે ચોરીનો ગુનો નોંધી કાયદેસરની કાર્યવાહી હાથ ધરી છે.

મુંબઈ ખાતે રહેતા મહંત કોઠારી છઠ્ઠી જાન્યુઆરીના રોજ પરિવાર સાથે બોરીવલીથી ગુજરાત મેલ ટ્રેનમાં અમદાવાદ જવા નીકળ્યા હતા. અને કોચ નંબર એસ 6 સીટ નંબર 77 ઉપર મુસાફરી કરી રહ્યા હતા. તે સમયે તેમના પત્ની ઊંઘવાથી ઉઠતા જાણ થઈ હતી કે તેમનું લેડીઝ પર્સ ગાયબ છે. જે પર્સમાં રૂપિયા 15,000ની કિંમત ધરાવતો મોબાઇલ ફોન તથા રોકડા રૂપિયા 2,000 હતા. તપાસ કરતા તેમનું પર્સ ટ્રેનના બાથરૂમ પાસેથી મળી આવ્યું હતું પરંતુ તેમાં મોબાઇલ ફોન અને રોકડ રકમ ન હતી.