Gujarati News

Gujarati News

News of Saturday, 28th November 2020

રાજપીપળા દરબાર રોડ ગાયત્રી મંદિર પાસે શિયાળામાં પણ પીવાના પાણીની 6 મહિનાથી ગંભીર તકલીફ

100 મીટરના અંતરે જ પાણીનો બોર છે,મોટરનું મસમોટું બીલ પણ આવતું હોવા છતાં પાણીની મોકાણ:વારંવાર નગરપાલિકામાં રજૂઆતો કરવા છતાં કોઈ ઉકેલ આવતો ન હોવાથી સ્થાનિકોમાં ભારે રોષ

(ભરત શાહ દ્વારા) રાજપીપળા : રાજપીપળા શહેરમાં પાલિકા દ્વારા વેરો વધારો કરાયા બાદ પણ અમુક વિસ્તારોમાં પીવાના પાણીની મોકાણ હજુ સુધરી નથી જેમાં ખાસ કરીને દરબાર રોડ ગાયત્રી મંદિર પાસેના ઘરોમાં પાણી ઘણું ઓછા પ્રેસરથી મળતું હોવાની વારંવાર ફરિયાદો કરવા છતાં આ બાબતે તંત્ર કોઈ ધ્યાન અપાતું નથી.
અગત્યની બબત એ છે કે નજીકમજ 100 મીટર જેવા અંતરે પાણીનો બોર આવેલો હોવા છતાં નજીકના વિસ્તારોમાં અને શિયાળા ની ઋતુ માં પાણીની તકલીફ પડતા સ્થાનિક રહીશો કંટાળી ચુક્યા છે.બોરની મોટરના મસમોટા બિલો આવવા છતાં સ્થાનિક રહીશોને પૂરતું પાણી મળતું ન હોય તો નવા મુકાયેલા મુખ્ય અધિકારી આ તકલીફ બાબતે યોગ્ય કરે તેવી લોકો આશા સેવી રહ્યા છે.

(11:29 pm IST)
  • ખેડૂતોની ગર્જના : માંગણી નહિ સંતોષાય તો દિલ્હીનો મેઇન હાઇવે જામ કરી દેશું : કૃષિ ખરડાને લઇને ખેડૂતોનો વિરોધ વધી રહ્યો છે : પંજાબ-હરિયાણા-યુપીના ખેડૂતોએ કહ્યું છે કે જો અમારી વાત નહિ સ્વીકારાય તો અમે દિલ્હીનો મુખ્ય હાઇવે જામ કરી દેશું: કાલે મોટાપાયે વિરોધ પ્રદર્શનની તૈયારી થઇ રહી છે access_time 3:19 pm IST

  • રાજકોટમાં હેર સલુનોમાં કોરોના ટેસ્ટીંગ શરૂ : કોરોના સંક્રમણ રોકવા આજથી શહેરના હેર સલુનોમાં ચેકીંગ શરૂ કરાયાનું જાણવા મળ્યુ છે access_time 3:46 pm IST

  • હિમાચલ પ્રદેશમાં માસ્ક નહીં પહેર્યો હોય તો વિના વોરંટ ધરપકડ થશે : હિમાચલ પ્રદેશમાં કોઇ પણ વ્યક્તિ માસ્ક પહેર્યા વિનાની નજરે પડશે તો વોરંટ વિના તેની ધરપકડ થશે અને તેમને જેલ સજા સુધીની જોગવાઈ કરવામાં આવી છે. access_time 10:44 am IST